News
Loading...

முதல்வர் ஜெயலலிதா நலம் பெற அப்பல்லோ மருத்துவமனை முன்பு பூஜை

முதல்வர் ஜெயலலிதா நலம் பெற அப்பல்லோ மருத்துவமனை முன்பு பூஜை

சென்னை: தமிழக முதல்வர் ஜெயலலிதா நலம் பெற்று நீண்ட ஆயுளுடன் வாழ வேண்டும் என அவர் சிகிச்சை பெற்று வரும் சென்னை அப்பல்லோ மருத்துவமனை முன்பு அதிமுகவினர் வழிபாடு நடத்தினர்.

கடந்த செப்டம்பர் மாதம் 22-ம் தேதியன்று இரவில் தமிழக முதல்வர் ஜெயலலிதா, உடல்நலக் குறைவு காரணமாக திடீரென சென்னை கிரீம்ஸ் சாலையில் உள்ள #ApolloHospitals அப்பல்லோ மருத்துவமனையின் கிரிட்டிக்கல் கேர் பிரிவில் அனுமதிக்கப்பட்டார்.

மருத்துவமனையில் அனுமதிக்கப்பட்டு சுமார் இரண்டு மாத காலத்தை தாண்டியுள்ள நிலையில், முதல்வரின் உடல்நிலையில் தொடர்ந்து முன்னேற்றம் ஏற்பட்டு வருவதாக மருத்துவமனை வெளியிடும் செய்திக் குறிப்புகள் தெரிவிக்கின்றன.

இதனிடையே, அவரது உடல்நிலையில் தொடர்ந்து முன்னேற்றம் ஏற்பட்டத்ததையடுத்து, சாதாரண வார்டுக்கு அவர் மாற்றப்பட்டுள்ளார் என்று அண்மையில் வெளியிட்ட அறிக்கையில் அப்பல்லோ மருத்துவமனை குறிப்பிட்டிருந்தது. முதல்வரின் உடல்நிலை #JayaHealth முன்னேற்றம் அடைந்துள்ள செய்தி கேட்டு அதிமுக-வினர் மகிழ்ச்சியடைந்துள்ளனர்.

இந்நிலையில், முதல்வர் ஜெயலலிதா நலம் பெற்று நீண்ட ஆயுளுடன் வாழ வேண்டும் என அவர் சிகிச்சை பெற்று வரும் சென்னை அப்பல்லோ மருத்துவமனை முன்பு அய்யப்பன்தாங்கல் பகுதியைச் சேர்ந்த அதிமுகவினர் வழிபாடு நடத்தினர்.

English Summary : Yoga Dharana dharma Nakshathra pooja in front of Apollo Hospital

முகநூலில் எங்கள் செய்திகளை படிக்க க்ளிக் செய்யவும்


Loading...