News
Loading...

ஜியோ மாதக்கட்டணமாக ரூ.499 நிர்ணயிக்க உள்ளதா?

ஜியோ மாதக்கட்டணமாக ரூ.499 நிர்ணயிக்க உள்ளதா?

ரிலையன்ஸ் அறிமுகப்படுத்தியுள்ள ஜியோ சிம் கார்டை பலரும் தற்போது உபயோகித்து வருகின்றனர். அன்லிமிடெட் டேட்டா மற்றும் இலவச அழைப்பு என்று அறிவித்ததால் இந்த சிம் கார்டை வாங்க மக்கள் ஆர்வம் காட்டினர். ஆனால் இந்த சலுகைகள் அனைத்தும் 3 மாதத்திற்கு மட்டும் தான் என்று ஜியோ நிறுவனம் முன்னர் அறிவித்து இருந்தது. ஆனால் நெட்வொர்க் பிரச்னை இருப்பதாக பலரும் புகார் தெரிவித்ததை அடுத்து இந்த சலுகை மேலும் 3 மாதத்திற்கு, அதாவது அடுத்த வருடம் மார்ச் மாதம் வரை நீட்டிக்கப்பட வாய்ப்பு உள்ளதாக கூறப்படுகிறது. இதற்கான அறிவிப்பு அடுத்த மாதம் வெளியாகும்.

இந்நிலையில் சலுகை காலம் முடிந்த பிறகு மாதம் 499 ரூபாயை கட்டணமாக ஜியோ நிர்ணயிக்க இருப்பதாக தகவல் வெளியாகியுள்ளது. தேவைக்கு ஏற்ப இரண்டாயிரம் ரூபாய் வரை செலுத்தி ஜியோ சேவையை பெறலாம் என்றும் கூறப்படுகிறது.

ரிலையன்ஸ் நிறுவனத்தின் லைஃப் (LYF) மொபைல் ஃபோனை பயன்படுத்தினால் கட்டணம் மாறுபடுகிறது. லைஃப் மொபைல் உபயோகிப்பவர்களுக்கு, இந்தியா முழுவதும் அன்லிமிடெட் அவுட் கோயிங் கால், இந்தியா முழுவதும் ரோமிங் கட்டணம் இல்லை, மேலும் ஒரு நாளைக்கு 4 ஜிபி வரை டேட்டா பயன்படுத்திக்கொள்ளலாம். ஆனால் மற்ற மொபைல் வைத்திருப்பவர்களுக்கு இந்த சலுகைகள் கிடைக்காது என்பது குறிப்பிடத்தக்கது.

English Summary :  Jio fixed monthly rental as 499 rupees

முகநூலில் எங்கள் செய்திகளை படிக்க க்ளிக் செய்யவும்


Loading...