News
Loading...

30 சதவீத பயணிகளுக்கு மட்டுமே ரூ. 1 ரயில்வே இன்சூரன்ஸ்!

30 சதவீத பயணிகளுக்கு மட்டுமே ரூ. 1 ரயில்வே இன்சூரன்ஸ்!

பாட்னா- இந்தூர் ரயிலில் பயணித்த மொத்த பயணிகள் 30 சதவீதம் பேருக்கே சமீபத்தில் அறிவிக்கப்பட்ட ரூ.1 ரயில்வே இன்சூரன்ஸ் பெற தகுதியானவர்கள் என தெரியவந்துள்ளது.

கடைசியாக வெளியிடப்பட்ட ரயில்வே பட்ஜெட்டில், ரயிலில் பயணிக்கும் பயணிகளின் பாதுகாப்புக்காக, ரூ. 1 க்கும் குறைவாக இன்சூரன்ஸ் வசதியை ரயில்வேத்துறை அமைச்சர் சுரேஷ் பிரபு அறிவித்தார்.

இந்த இன்சூரன்ஸ் மூலம் ரயிலில் பயணம் செய்யும் போது மரணமோ, அல்லது முழுவதுமான இயலாமை என்ற நிலையோ ஏற்படும் போது, ரூ. 10 லட்சம் கிடைக்கும். பலத்த காயங்கள் ஏற்பட்டால், ரூ. 2 லட்சம் வரை மருத்துமனை செலவுக்காக கிடைக்கும். லேசான காயங்களுடன் தப்பியவர்களுக்கு, விபத்து நடந்த இடத்தில் இருந்து பத்திரமான இடத்துக்கு செல்ல ரூ. 10,000 வரை கிடைக்கும். 

இது தற்போது நடைமுறையில் இருந்தாலும், பயணிகளுக்கு இது இன்னும் முழுமையாக சென்றடையவில்லை என்பது வருத்தமான விஷயமாகும். உத்தரபிரதேச மாநிலம் கான்பூர் அருகே நேற்று, பாட்னா-இந்தூர் பயணிகள் ரயில் தடம் புரண்டு விபத்து ஏற்பட்டது. இதில் உயிரிழந்தவர்களின் எண்ணிக்கை தற்போது வரை அதிகரித்துக்கொண்டே உள்ளது.

இந்த ரயிலில் பயணம் செய்ய ரயில்வேவின் ஐ.ஆர்.சி.டி.சி., இணையதளம் மூலம் 410 பயணிகள் டிக்கெட் முன்பதிவு செய்துள்ளனர். ஆனால், இதில் 126 பயணிகள் மட்டுமே இன்சூரன்ஸ் தொகையையும் சேர்த்து செலுத்தியுள்ளதாக தெரிகிறது. இந்த 126 டிக்கெட் எடுத்த பயணிகளிலும் விபத்து நடந்த போது 78 பயணிகள் மட்டும் ரயிலில் இருந்துள்ளனர். எஞ்சியிருந்த பயணிகள் அனைவரும் கான்பூரில் இருந்து பயணம் செய்ய டிக்கெட் எடுத்துள்ளனர்.

இதுகுறித்து ரயில்வே அதிகாரி ஒருவர் கூறியது :
ரயில் இன்சூரன்ஸ் பிரிமியம் வெறும் 92 பைசா மட்டுமே, இதை டிக்கெட் புக் செய்யும் போது ஒரு டிக் செய்தால் போதுமானது. ஆனால் மக்களின் அறியாமை மற்றும் அலட்சியமே பெரும்பாலான பயணிகளின் இன்சூரன்ஸ் செய்யாமல் வருவதற்கு முக்கிய காரணம்.
இவ்வாறு அவர் கூறினார்.

English Summary : only 30 of e ticket buyers opted for railway insurance

முகநூலில் எங்கள் செய்திகளை படிக்க க்ளிக் செய்யவும்


Loading...