News
Loading...

நீங்களே சொன்னால் 50%, அரசு பிடித்தால் 85% வருமான வரி

நீங்களே சொன்னால் 50%, அரசு பிடித்தால் 85% வருமான வரி

கணக்கில் காட்டப்படாத பணத்திற்கு 75 சதவீத வரி மற்றும் 10 சதவீத அபராதம் செலுத்துவதற்கான புதிய வருமான வரி சட்ட திருத்த மசோதாவை இன்று மக்களவையில் மத்திய நிதியமைச்சர் அருண் ஜெட்லி தாக்கல் செய்தார்.

கருப்புப் பண ஒழிப்பு நடவடிக்கையாக 500, 1000 பழைய ரூபாய் நோட்டுக்கள் தடைக்குப் பின்னர் வங்கியில் டெபாசிட் செய்யப்படும் பணத்திற்கு மொத்த வரி, அபராதம், கூடுதல் வரி என 50 சதவீதம் விதிக்கப்படும் என்று மத்திய அரசு அறிவித்து இருந்த நிலையில், இன்று புதிய வருமான வரி சட்ட திருத்த மசோதாவை மக்களைவையில் நிதியமைச்சர் அருண் ஜெட்லி தாக்கல் செய்தார்.

மேலும் இந்த மசோதாவில் கருப்புப் பணம் குறித்து முன் வந்து செலுத்துபவர்கள், அவர்கள் செலுத்தும் தொகையில் 25 சதவீதத்தை பிரதமரின் ஏழைகளுக்கான திட்டத்திற்கு செலுத்த வேண்டும். நான்கு ஆண்டுகாலத்திற்கு இந்தப் பணம் இந்தத் திட்டத்தில் டெபாசிட் செய்யப்படும். எந்தவித வட்டியும் வழங்கப்பட மாட்டாது என்ற திருத்தமும் கொண்டு வரப்பட்டுள்ளது.

இதற்கிடையே கணக்கில் காட்டாத பணத்திற்கு 10 சதவீத அபராதம் என்பதுடன் அந்தப் பணத்திற்கு 30 சதவீத வரியும், அந்த வரிக்கு 33 சதவீத வரியும் விதிக்கப்படும் என்று இன்று தாக்கல் செய்த வருமான வரி மசோதாவில் திருத்தம் செய்யப்பட்டுள்ளது. கணக்கில் காட்டாத பணத்தில் இருந்து பிரதமரின் ஏழைகள் திட்டத்திற்கு 25 சதவீத பணம் கொண்டு வரும்போது, அவர்கள் பற்றிய அனைத்து குறிப்புக்களையும் மத்திய அரசு எடுத்துக் கொள்ளும்.

இந்தப் பணம் விவசாயம், வீட்டுக் கடன், கழிப்பறைகள் கட்டுவதற்கு, உள்கட்டமைப்பு மேற்கொள்ள, ஆரம்பக் கல்வி, ஆரம்ப சுகாதாரம், மக்களின் வாழ்க்கைத்தரம் உயர்த்த பயன்படுத்தப்படும். கருப்புப் பணம் வைத்திருந்து பிடிபடுபவர்களிடம் இருந்து 60 சதவீத வரி மற்றும் அபராத தொகையாக 15 சதவீத வரி வசூலிக்கப்படும். மொத்தம் இந்த வகையில் 75 சதவீதம் விதிக்கப்படும். இதற்கு மேல், மதிப்பீடு செய்பவர்கள் மீண்டும் 10 சதவீத அபராதத் தொகை விதிக்கலாம்

ஆக மொத்தத்திற்கு பணம் வைத்திருப்பவர்கள் முன் வந்து செலுத்திவிட்டால் 50 சதவீத வரியுடன் போகும். அரசு பிடித்தால் 85 சதவீத வரி கட்ட வேண்டியது இருக்கும் என்ற ரீதியில் வருமான வரி சட்ட திருத்த மசோதாவில் திருத்தம் கொண்டு வரப்பட்டுள்ளது.

English Summary : Pay 50 tax on unaccounted deposits or 85 if caught government

முகநூலில் எங்கள் செய்திகளை படிக்க க்ளிக் செய்யவும்


Loading...