News
Loading...

தெரிந்து கொள்வோம் : பேமண்ட் வங்கிகள்

தெரிந்து கொள்வோம் : பேமண்ட் வங்கிகள்

இன்றைய நவீன பொருளாதார உலகம் , பணமில்லா பரிவர்த்தனையை நோக்கி வேகமாக அடியெடுத்து வருகிறது.

இந்த நிலையில் வங்கி மற்றும் பண பரிவர்த்தனை தொடர்பான நடவடிக்கைகளை எளிதாக்க பேமண்ட வங்கிகள் பெருமளவில் உதவும் என எதிர்பார்க்கப்படுகிறது.

இந்த தொகுப்பில் பேமண்ட வங்கி குறித்தும், அவற்றின் செயல்பாடுகள் குறித்து அறிவோம்.

பேமண்ட வங்கி

பேமண்ட் வங்கி என்பது சிறிய அளவிலான வங்கி சேவை ஆகும்.

இதன் மூலமாக வாடிக்கையாளர்கள் சேமிப்பு கணக்கு மற்றும் நடப்பு கணக்கு ஆகியவற்றை தொடங்கலாம் .

இந்த வங்கி கணக்குகளில் வாடிக்கையாளர்கள் ஒருவருக்கு ரூ.1 லட்சம் வரை டெபாசிட் செய்யப்பட்டு அவற்றை பரிவர்ததனை செய்ய பயன்படுத்தலாம்.

பேமண்ட வங்கிகள் செயல்பாடுகள்

பேமண்ட் வங்கிகளில் வாடிக்கையாளர்கள் ரூ.1 லட்சம் வரை டெப்பாசிட் செய்து கொள்ளலாம் . இதற்கான வட்டியும் வழங்கப்படும்.

இந்த சேவையின் மூலம் வாடிக்கையாளர்கள் கடன் பெற முடியாது.

நிதி பரிவர்த்தனைகளை மேற்கொள்ள , ஏடிஎம் கார்டு, டெபிட் கார்டு , மொபைல் பேங்கிங், ஆன்லைன் பேங்கிங் ஆகிய சேவைகளை பேமண்ட் வங்கிகள் வழங்கும்.

மேலும் இந்த சேவையை வெளிநாடுவாழ் இந்தியர்கள் பயன்படுத்த இயலாது.

பேமண்ட் வங்கியின் நோக்கம்

பேமண்ட் வங்கிகள் எளிமையான நடைமுறையை கொண்டிருப்பதால் , அவற்றை சாமான்ய மக்கள் எளிதில் அணுக முடியும்.

இதன் மூலம் கிராமபுற மக்களுக்கு எளியமுறையில் நிதி சேவையினை அணுக முடியும். இதனால் நிதி பரிவர்த்தனை மேலும் பல மடங்கு அதிகரிக்கும்.

பணமில்லாத பரிவர்த்தனையை மேற்கொள்வதே இந்த பேமண்ட வங்கியின் முக்கிய நோக்கம் ஆகும்.

பேமண்ட் வங்கி சேவையை வழங்க இருக்கும் நிறுவனங்கள்

பேமண்ட் வங்கி சேவை தொடங்க ரிசர்வ் வங்கியிடம் அனுமதி பெற வேண்டும் .

அதனடிப்படையில் , ரிலையன்ஸ் இண்டஸ்ட்ரீஸ், ஏர்டெல், வோடஃபோன், இந்திய தபால் துறை (இந்தியா போஸ்ட்), டெக் மஹிந்திரா, ஆதித்யா பிர்லா நூவோ, பினோ பேடேக், என்.எஸ்.டி.எல். சோழமண்டலம் டிஸ்டிரிபியூஷன் சர்வீசஸ் ஆகிய நிறுவனங்களுக்கும் , சன்பார்பா தலைவர் திலிப் சாங்வி மற்றும் பேடிஎம் நிறுவனர் விஜய் சேகர் சர்மா என்ற இரண்டு தனிநபர்களுக்கும் இந்த அனுமதி கொடுக்கப்பட்டது.

முகநூலில் எங்கள் செய்திகளை படிக்க க்ளிக் செய்யவும்


Loading...