News
Loading...

பாஜக எம்.பி., மற்றும் எம்.எல்.ஏ., அனைவரும் வங்கிக்கணக்கு விவரங்களை சமர்ப்பிக்க மோடி உத்தரவு

பாஜக எம்.பி., மற்றும் எம்.எல்.ஏ., அனைவரும் வங்கிக்கணக்கு விவரங்களை சமர்ப்பிக்க மோடி உத்தரவு

பாஜக அமைச்சர்கள், எம்.பி., மற்றும் எம்.எல்.ஏ.,க்கள் அனைவரும், தங்களது வங்கிச் சேமிப்புக் கணக்கு விவரங்களை வரும் ஜனவரி 1ம் தேதிக்குள் அமித் ஷாவிடம் ஒப்படைக்கும்படி, பிரதமர் நரேந்திர மோடி உத்தரவிட்டுள்ளார்.

கருப்புப் பணத்தை ஒழிக்கும் விதமாக, பல்வேறு அதிரடி நடவடிக்கைகளை பிரதமர் நரேந்திர மோடி செயல்படுத்தி வருகிறார். பழைய ரூ.500 மற்றும் ரூ.1000 நோட்டுகளை செல்லாது என அறிவித்த கையோடு, டிஜிட்டல் பணப்பரிவர்த்தனை நடவடிக்கைகளை ஊக்குவிக்கும் முயற்சிகளை அவர் மேற்கொண்டுள்ளார்.

இந்நிலையில், கருப்புப் பணத்தை ஒழிக்க விரும்பும் பிரதமர் மோடி, முதலில் தனது சொந்தக் கட்சியான பாஜக.,வைச் சேர்ந்த அமைச்சர்கள், மக்கள் பிரதிநிதிகளின் வங்கிக் கணக்கு விவரங்களை பகிரங்கப்படுத்த வேண்டும் என, டெல்லி முதலமைச்சர் அர்விந்த் கெஜ்ரிவால் உள்பட பல்வேறு தலைவர்களும் வலியுறுத்தி வருகின்றனர்.

இதற்கு பதில் அளிக்கும் வகையில், தற்போது பாஜக அமைச்சர்கள், எம்எல்ஏ.,க்கள் மற்றும் எம்பி.,க்கள் அனைவரும் தங்களது வங்கிக் கணக்கு விவரங்களை, வரும் ஜனவரி 1ம் தேதிக்குள் கட்சித் தலைவர் அமித் ஷாவிடம் சமர்ப்பிக்கும்படி, பிரதமர் மோடி உத்தரவிட்டுள்ளார்.

இதன்படி, கடந்த நவம்பர் 8ம் தேதி தொடங்கி, டிசம்பர் 31ம் தேதி வரை, பாஜக., தலைவர்கள் மேற்கொள்ளும் வங்கிப் பரிவர்த்தனைகள் அனைத்தும் கண்காணிப்புக்கு உள்படுத்தப்படும் என்றும், கருப்புப் பணத்தை ஒழிப்பதில் பாஜக முன்மாதிரி கட்சியாகச் செயல்படுகிறது என்பதை, எதிர்க்கட்சிகளுக்குக் காட்டுவோம் என்றும் பிரதமர் மோடி குறிப்பிட்டுள்ளார்.'

English Summary : pm modi asks bjp mps and mlas to submit details of bank transactions to amit shah

முகநூலில் எங்கள் செய்திகளை படிக்க க்ளிக் செய்யவும்


Loading...