News
Loading...

உலகின் செல்வாக்கு மிக்க 100 பெண்களில் சன்னி லியோன்!

உலகின் செல்வாக்கு மிக்க 100 பெண்களில் சன்னி லியோன்!

பிபிசி பட்டியலிட்டுள்ள உலகின் செல்வாக்கு மிக்க 100 பெண்களில் சன்னி லியோன், நேஹா சிங் ஆகியோர் இடம் பெற்றுள்ளனர்.

பாலிவுட் நடிகை சன்னி லியோன் உடன் சேர்த்து மாணவி கௌரி சிந்தார்கர், டஃபே நிறுவனத்தின் சிஇஓ மல்லிகா ஸ்ரீநிவாசன், நடிகையும், எழுத்தாளருமான நேஹா சிங் மற்றும் சுற்றுச்சூழல் ஆர்வலர் சாலுமரடா திம்மக்கா ஆகிய நான்கு இந்தியர்களும் பட்டியலில் இடம் பெற்றுள்ளனர்.

இந்தியாவின் டிராக்டர் ராணி என்று அழைக்கப்படும் மல்லிகா ஸ்ரீநிவாசன் (57) டஃபே எனும் டிராக்டர் நிறுவனத்தில் தலைமை நிர்வாக இயக்குநர் ஆவார். இவர் தனது குடும்ப நிறுவனமான டஃபேயை உலகின் மூன்றாவது பெரிய டிராக்டர் தயாரிப்பு நிறுவனமாக கொண்டுவந்துள்ளார்.

பாலிவுட் நடிகையும், மாடலுமான சன்னி லியோன் (35) கனடாவை சேர்ந்தவர். பாலிவுட்டின் முன்னணி நடிகைகளில் இவரும் ஒருவர் ஆவார்.

மகாராஷ்டிரா மாநிலம் சங்லியை சேர்ந்த கௌரி சிந்தார்கர் 20 வயதாகும் கம்ப்யூட்டர் என்ஜினியரிங் மாணவி. தற்போது “ஸ்கூல் இன் த குளவ்டு” என்று அழைக்கப்படும் தனித்துவ கல்வி முறையை இந்தியாவில் பயின்ற முதல் பெண் இவர்!

எழுத்தாளரும், நடிகையுமான நேஹா சிங் (34) மும்பையில் பெண்களுக்கு எதிராக நிகழ்த்தப்படும் வன்முறைகளுக்கு எதிராக இயக்கம் ஒன்றை தொடங்கியுள்ளார்.

கர்நாடகவாவை சேர்ந்த சாலுமரடா திம்மக்கா (105) சுற்றுச்சூழல் ஆர்வலர். கடந்த 80 ஆண்டுகளில் 8000 மரங்களை நட்டுள்ளார். பிபிசி அறிவித்த செல்வாக்கு மிக்க 100 பெண்களின் பட்டியலில் அதிக வயதானவர் இவர் தான் என்பது குறிப்பிடத்தக்கது.

உலக அளவில் புகழ் பெற்ற பாடகி, பாடலாசிரியர் அலிசியா கீஸ், அமெரிக்காவை சேர்ந்த ஜிம்னாஸ்டிக் வீராங்கனை சைமன் பைல்ஸ், பிரெஞ்ச் அரசியல் பிரமுகர் ரச்சிதா டாட்டி ஆகியோர் இந்த பட்டியலில் இடம் பெற்றுள்ளனர்.

English Summary : Sunny leone listed in bbcs 100 most influential women in world

முகநூலில் எங்கள் செய்திகளை படிக்க க்ளிக் செய்யவும்


Loading...