News
Loading...

கபாலிக்கு நஷ்ட ஈடு வேண்டும் - ரஜினியை சந்திக்க துடிக்கும் திரையரங்க உரிமையாளர்கள்

கபாலிக்கு நஷ்ட ஈடு வேண்டும் - ரஜினியை சந்திக்க துடிக்கும் திரையரங்க உரிமையாளர்கள்

பாலி படத்தை திரையிட்டதால் ஏற்பட்ட நஷ்டம் குறித்து ரஜினிகாந்தை சந்திக்க தமிழக திரையரங்க உரிமையாளர்கள் முயற்சி செய்து வருகின்றனர்.

பெரும் எதிர்பார்ப்புகளுக்கிடையே வெளியான சூப்பர் ஸ்டார் ரஜினிகாந்த்தின் ’கபாலி’ திரைப்படம்,தமிழகத்தின் அனைத்துப் பகுதிகளிலும் பல கோடிகளுக்கு விற்பனையானது.மேலும் படம் வெளியான முதல் சில நாட்களுக்கு பல்லாயிரங்களில் டிக்கெட் விற்பனை செய்யப்பட்டடது.கபாலி படத்தின் தயாரிப்பாளர் கலைப்புலி.எஸ்.தாணு படம் நல்ல வசூலை குவித்ததாக கூறினாலும்,படத்தை திரையிட்ட திரையரங்குகளின் உரிமையாளர்களும்,விநியோகஸ்தர்களும் தங்களுக்கு நஷ்டம் ஏற்பட்டதாக கூறி வருகின்றனர்.

இதனை தொடர்ந்து சில மாவட்டங்களைச் சேர்ந்த திரையரங்க உரிமையாளர்கள் தங்களுக்கு ஏற்பட்ட இழப்பிற்கு நஷ்ட ஈடு கொடுக்குமாறு தயாரிப்பாளர் தாணுவை சந்தித்தாக தெரிகிறது.இந்த சந்திப்பின் போது,கபாலி படத்தினால் தனக்கும் மிகப்பெரிய நஷ்டம் ஏற்பட்டுள்ளதாக தாணு தெரிவித்ததாக கூறப்படுகிறது.

இதனை தொடர்ந்து கபாலி படத்தை திரையிட்டதால் நஷ்டத்தை சந்தித்த அனைத்து திரையரங்க உரிமையாளர்களும்,ரஜினிகாந்தை நேரில் சந்திக்க நேரம் ஒதுக்குமாறு அவருடைய அலுவலத்தில் கடிதம் ஒன்றை அளிக்க உள்ளதாக கூறப்படுகிறது.

ஏற்கனவே ’பாபா’ படம் தோல்வியைடைந்ததை அடுத்து,அந்த படத்தின் விநியோகஸ்தர்களுக்கு ரஜினி தனது சொந்த பணத்திலிருந்து நஷ்ட ஈடு கொடுத்தது குறிப்பிடத்தக்கது.

English Summary : Tamilnadu theatre owners wants to meet Rajinikanth regarding Kabali loss

முகநூலில் எங்கள் செய்திகளை படிக்க க்ளிக் செய்யவும்


Loading...