News
Loading...

மதுக்கடைகளை மூட கோரி போராட்டம் நடத்திய சட்டக்கல்லூரி மாணவி நந்தினி கைது

மதுக்கடைகளை மூட கோரி போராட்டம் நடத்திய சட்டக்கல்லூரி மாணவி நந்தினி கைது

மதுரை புதூரை சேர்ந்த சட்டக்கல்லூரி மாணவி நந்தினி மதுக்கடைகளை மூட வலியுறுத்தி தந்தை ஆனந்துடன் சேர்ந்து பல்வேறு கட்ட போராட்டங்களை நடத்தி வருகிறார்.

சில நாட்களுக்கு முன்பு அவர் திருப்பரங்குன்றத்தில் தர்ணா போராட்டம் நடத்த அனுமதி அளிக்க வேண்டுமென போலீசாரிடம் மனு செய்தார். ஆனால் அதற்கு போலீசார் அனுமதி அளிக்கவில்லை.

இந்நிலையில் திருப்பரங்குன்றம் பஸ் நிலையம் முன்பு ரெயில்வே பாலத்தின்கீழ் உள்ள டாஸ்மாக் கடை முன்பு இன்று மதியம் 12 மணியளவில் சட்டக்கல்லூரி மாணவி நந்தினி, தந்தை ஆனந்துடன் அமர்ந்து தர்ணா போராட்டத்தில் ஈடுபட்டார். அப்போது அவர் தேர்தல் நடைபெற உள்ள திருப்பரங்குன்றத்தில் மதுக்கடைகளை மூட வேண்டுமென வலியுறுத்தினார். இதனால் அங்கு பரபரப்பு ஏற்பட்டது.

இது குறித்து தகவல் அறிந்த திருநகர் போலீசார் விரைந்து வந்து அனுமதி இன்றி தர்ணா போராட்டம் நடத்தியதாக நந்தினி, ஆனந்தை கைது செய்தனர்.

English Summary : tasmac store closed for protest law college student arrested

முகநூலில் எங்கள் செய்திகளை படிக்க க்ளிக் செய்யவும்

News2.in mobile app வெறும் 1 எம்பி மட்டுமே! செய்திகளை சுருக்கமாகவும் விரைவாகவும் தெரிந்து கொள்ள உடனே டவுன்லோட் செய்யுங்கள்.