News
Loading...

கர்நாடகா, கோவாவில் மட்டும் 1000 கோடி கருப்பு பணத்தை பிடித்த வருமான வரித்துறை

கர்நாடகா, கோவாவில் மட்டும் 1000 கோடி கருப்பு பணத்தை பிடித்த வருமான வரித்துறை

500, 1000 ரூபாய் நோட்டுகள் அரசு திரும்பப்பெறும் என்ற ஆணையை அமல்படுத்தியதில் இருந்து பல்வேறு இடங்களில் ஐ.டி துறையினரின் ரெய்டுகளும் அதிகரித்துள்ளது.

பண முதலைகள் 500, 1000 ரூபாய் நோட்டுகளை மாற்றுவதற்காக வங்கி அதிகாரிகளை விலைக்கு வாங்கி அவர்கள் மூலமாக புதிய 2000 ரூபாய்களாக மாற்றப்பட்டு வருகின்றது. இதை தடுப்பதற்காக ஐ.டி துறையினர் தொடர் ரெய்டு நடத்திவருகின்றனர். இவ்வாறு நடத்தப்பட்ட ரெய்டில் ஆயிரம் கோடிக்கும் மேல் வருமானவரித்துறை கைப்பற்றியுள்ளனர்.

அதிலும் கர்நாடகா, கோவா ஆகிய மாநிலங்களில் டிசம்பர் 12,13ம் தேதிகளில் நடத்தப்பட்ட ரெய்டுகளில் மட்டும் மொத்தம் 36 வழக்குகளை பதிந்துள்ளனர். அதில் கணக்கில் வராத கிட்டத்தட்ட 1000 கோடி ரூபாய் அளவுக்கு கருப்புப் பணத்தை ஐடி துறை கைப்பற்றியுள்ளனர்.

இவ்வாறு கைப்பற்றப்பட்ட பணங்களில் அதிகள புதிய 2000 ரூபாய் நோட்டுகள் தான். வங்கி அதிகாரிகளின் உதவிமூலம் கருப்புப் பணத்தை மாற்றியதாக தகவல் தெரிவிக்கின்றது. இதனால் தொடரப்பட்ட வழக்குகள் சிபிஐ.,க்கு மாற்றப்பட்டுள்ளது.

மக்கள் தினமும் வங்கி, எ.டி.எம் வாசலில் வரிசையில் நிற்கும் அவலம் ஒரு புறம் இருக்க, வங்கி அதிகாரிகள் பணத்திற்காக பண முதலைகளுக்கு கருப்புப்பணத்தை மாற்றி புதிய பணத்தை சப்ளை செய்வது மக்களிடையே கொந்தளிப்பை ஏற்படுத்தியுள்ளது.

முகநூலில் எங்கள் செய்திகளை படிக்க க்ளிக் செய்யவும்