News
Loading...

பிரதமர் மோடியின் ஆப்-ஐ ஹேக் செய்த இளைஞர்!

பிரதமர் மோடியின் ஆப்-ஐ ஹேக் செய்த இளைஞர்!

பாதுகாப்பு குறைபாடுகளை சுட்டிக்காட்டுவதற்காக மும்பையை சேர்ந்த ஜாவத் கத்ரி எனும் இளைஞர் பிரதமர் நரேந்திர மோடியின் மொபைல் அப்ளிகேஷனை ஹேக் செய்துள்ளார்.

சமீபத்தில் காங்கிரஸ் துணைத்தலைவர் ராகுல் காந்தி மற்றும் காங்கிரஸ் கட்சியின் டிவிட்டர் அக்கவுண்ட் ஹேக் செய்யப்பட்டது. அதனைத்தொடர்ந்து பிரதமர் மோடியின் ஆப் ஹேக் செய்யப்பட்டுள்ளது. ஆனால் ஆப் ஹேக் செய்யப்பட்டதற்கு காரணம் அதில் உள்ள பாதுகாப்பு குறைபாடுகளை சுட்டிக்காட்டுவதற்காக தானே தவிர வேறு எந்த காரணமும் இல்லை என்று ஜாவத் கூறியுள்ளார். மும்பையை சேர்ந்த மொபைல் ஆப் டெவலப்பர் ஜாவத், பிரதமரின் ஆப்பை ஹேக் செய்வதன் மூலம் அதை உபயோகிப்பவர்களின் சொந்த தகவல்களை எடுக்க முடியும் என்று கூறியுள்ளார். மத்திய அமைச்சர்களின் மெயில் ஐடிகள், ஃபோன் நம்பர்களை எடுக்க முடியும் என்றார்.

மோடியின் அப்ளிகேஷனை 70 லட்சம் பேர் உபயோகித்து வரும் நிலையில் அதன் பாதுகாப்பு குறைபாட்டை உணர்த்தவே இவ்வாறு செய்ததாக டுவிட்டரில் விளக்கமளித்துள்ளார். ஜாவத் கத்ரி மும்பையில் உள்ள சிறியதொரு அலுவலகத்தில் பணிபுரிந்துவருகிறார். இந்நிலையில் அப்ளிகேஷனில் இருந்த குறைபாடுகள் சரிசெய்யப்பட்டுவிட்டதாக சில மணி நேரத்திற்கு முன்பு தனது டுவிட்டர் பக்கத்தில் ஜாவத் தெரிவித்துள்ளார். அப்ளிகேஷன் டெவலப் செய்யும் குழுவுடன் பேசியதாகவும் டுவிட்டரில் பதிவிட்டுள்ளார். மேலும் ஆப்-ஐ முழுமையாக ஹேக் செய்யவில்லை என்றும், குறைபாட்டை உணர்ந்த மேற்கொண்ட சோதனை என்றும் விளக்கமளித்துள்ளார்.

முகநூலில் எங்கள் செய்திகளை படிக்க க்ளிக் செய்யவும்


Loading...