News
Loading...

ஜெயலலிதா மறைவு : அதிர்ச்சியில் உயிரிழந்த 77 பேரின் குடும்பத்துக்கு நிதியுதவி

ஜெயலலிதா மறைவு : அதிர்ச்சியில் உயிரிழந்த 77 பேரின் குடும்பத்துக்கு 3 லட்சம் நிதியுதவி

முன்னாள் முதல்வர் ஜெயலலிதா உயிரிழந்த செய்தியை கேட்டு உயிரிழந்த 77 பேரின் குடும்பத்துக்கு தலா 3 லட்சம் நிதியுதவி வழங்க அதிமுக அறிவித்துள்ளது.

முன்னாள் முதலமைச்சர் டிசம்பர் 5ம் தேதி இரவு 11.30 மணிக்கு உயிரிழந்ததாக அப்பல்லோ மருத்துவமனை அறிவித்தது. இந்த செய்தியை கேட்டு அதிமுக தொண்டர்கள் ஆழ்ந்த துயரில் மூழ்கினர். அந்த செய்தியை கேட்ட சிறிது நேரத்தில் அப்பல்லோ மருத்துவமனை முன் அங்கு ஆயிரக்கணக்கானோர் கூடினர். அந்த மக்கள் கூட்டம் அவரை அடக்கம் செய்த பின்னும் இருந்தது.

தமிழகம் முழுவதும் ஜெயலலிதாவின் மரண செய்தி அதிர்ச்சியை ஏற்படுத்தியது. ஜெயலலிதா உயிரிழ்ந்தார் என்ற செய்தியை கேட்ட மிகவும் சோகத்தில் ஆழ்ந்த 77 பேர் இதுவரை உயிரிழந்துள்ளனர்.

இவ்வாறு உயிரிழந்த நபர்களின் குடும்பத்துக்கு தலா 3 லட்சம் ரூபாய் வழங்குவதாக அதிமுக., கட்சி நிர்வாகம் அறிவித்துள்ளது.

முகநூலில் எங்கள் செய்திகளை படிக்க க்ளிக் செய்யவும்


Loading...