News
Loading...

போலி கணக்குகளில் ரூ. 34 கோடி டெபாசிட், கோடக் வங்கி மானேஜர் கைது

போலி கணக்குகளில் ரூ. 34 கோடி டெபாசிட், கோடக் வங்கி மானேஜர் கைது

டெல்லியில் தனியார் வங்கி கிளையில் போலி கணக்குகளில் ரூ. 34 கோடி டெபாசிட் செய்யப்பட்டது தொடர்பாக மானேஜரை பண மோசடி வழக்கில் அமலாக்கப்பிரிவு கைது செய்து உள்ளது.

உயர் மதிப்புடையை 1000, 500 ரூபாய் நோட்டுகளை செல்லாது என மத்திய அரசு அறிவித்த பின்னர் சட்டவிரோதமாக வங்கிகளில் டெபாசிட் செய்யப்பட்ட சம்பவங்களும் அரங்கேறியது. இப்போது மத்திய விசாரணை முகமைகள் மேற்கொள்ளும் அதிரடி சோதனைகளில் அவையனைத்தும் வெளியாகி வருகிறது. கோடிக்கணக்கில் புதிய ரூபாய் நோட்டுகளை லாக்கரில் பதுக்கியவர்களும் சிக்கி வருகின்றனர். இதுபோன்ற சோதனையின் போது டெல்லியில் கோடக் வங்கி கிளையில் 9 போலி கணக்குகளில் ரூபாய் 34 கோடி டெபாசிட் செய்யப்பட்டு இருந்தது. 

இப்போது பணமோசடி தடுப்புச் சட்டத்தின் கீழ் கிரிமினல் வழக்கில் அமலாக்கப்பிரிவினர் தனியார் வங்கியின் மானேஜரை கைது செய்து உள்ளனர். அவரை கோர்ட்டில் ஒப்படைத்து, காவலில் எடுக்கப்போவதாக அமலாக்கப்பிரிவு அதிகாரிகள் கைது செய்து உள்ளனர்.

போலி கணக்குகளில் ரூபாய் நோட்டுகள் டெபாசிட் செய்யப்பட்ட விவகாரம் தொடர்பான விசாரணையை அமலாக்கப்பிரிவு கையில் எடுத்து, எப்ஐஆர் பதிவு செய்தது. கடந்த வாரம் போலி வங்கி கணக்குகளில் ரூ. 34 கோடி கறுப்பு பணம் டெபாசிட் செய்யப்பட்டது தொடர்பாக போலீசார் இருவரை கைதுசெய்தனர்.  

இதற்கிடையே தனியார் வங்கி போலி வங்கி கணக்குகள் என்ற குற்றச்சாட்டை மறுத்து உள்ளது. எந்தஒரு போலி வங்கி கணக்கும் பராமரிக்கப்படவில்லை, விசாரணை அதிகாரிகளுக்கு முழு ஒத்துழைப்பு அளிக்கப்படும் என்று தெரிவிக்கப்பட்டு உள்ளது.

முகநூலில் எங்கள் செய்திகளை படிக்க க்ளிக் செய்யவும்


Loading...