News
Loading...

ஜெயலலிதா மறைந்தாலும் ராஜஸ்தான் மாநிலத்தில் தொடரும் அம்மா திட்டங்கள்

ஜெயலலிதா மறைந்தாலும் ராஜஸ்தான் மாநிலத்தில் தொடரும் அம்மா திட்டங்கள்

ஜெய்பூர் : மறைந்த தமிழக முதலமைச்சர் ஜெயலலிதாவின் மகத்தான திட்டங்களில் ஒன்று அம்மா உணவகம். இதே போன்ற திட்டத்தை ராஜஸ்தானில் 'அன்னபூர்ணா ரசோய்’ திட்டம் தொடங்கப்பட்டுள்ளது.

தமிழக முதல்வராக இருந்த ஜெயலலிதா செயல்படுத்திய முக்கிய திட்டங்களில் ஒன்று ‘அம்மா உணவகம்’. இது தமிழகத்தில் மாபெரும் வரவேற்பை பெற்றது. ஜெயலலிதா உயிருடன் இருக்கும் போதும் சரி, அவர் மறைவுக்கு பின்னும் இந்த திட்டம் இந்தியா முழுவதும் பேசப்பட்டது.

இந்நிலையில், மீண்டும் ஜெயலலிதாவை அவர்களை நினைவுப்படுத்தும் வகையில், ராஜஸ்தான் மாநிலத்தில் “அன்னபூர்ணா ரசோய் திட்டம்” தொடங்கப்பட்டுள்ளது. இந்த திட்டத்தை அந்த மாநில முதல்வர் வசுந்தரா ராஜே தொடங்கி வைத்து, ஒரு தலித் மற்றும் குஜ்ஜர் வகுப்பை சேர்ந்த ஒரு பெண்ணுடன் இணைந்து அன்னபூர்ணா ரசோய் உணவகத்தில் உணவு உண்டார்.

இதுகுறித்து வசுந்தரா ராஜே பேசுகையில், “இந்த திட்டத்திற்காக ராஜஸ்தானின் பாஜக அரசு அடுத்த நிதியாண்டிற்கு 4 கோடி ஒதுக்கியுள்ளது. அதேபோல் ஒரு ஆண்டிற்கு 50 கோடி ஒதுக்கியுள்ளது.

இந்த திட்டத்தின் கீழ் கிட்டத்தட்ட 200 வேன்களை இதற்காக பயன்படுத்தப்பட உள்ளதாகவும், அது மாநிலம் முழுவதும் உள்ள ஏழை மக்களுக்காக உணவு வழங்கும். இனி மாநிலம் முழுவதும் உள்ள மக்கள் யாரும் பசியுடன் இருக்கக் கூடாது. அன்னபூர்னா ரசோய் திட்டத்தின் கீழ் அளவு சாப்பாடு 5 ரூபாய்க்கும், முழு சாப்பாடு 8 ரூபாய்க்கும் வழங்கப்படும்.“ என கூறினார்.

முகநூலில் எங்கள் செய்திகளை படிக்க க்ளிக் செய்யவும்


Loading...