News
Loading...

புதிய ரூபாய் நோட்டுக்கள் குறைந்த அளவே அச்சிடப்படும்: அருண் ஜெட்லி

புதிய ரூபாய் நோட்டுக்கள் குறைந்த அளவே அச்சிடப்படும்: நிதியமைச்சர் அருண் ஜெட்லி

டெல்லி: புதிய ரூபாய் நோட்டுக்கள் குறைந்த அளவே அச்சிடப்படும் என்று மத்திய நிதியமைச்சர் அருண் ஜெட்லி தெரிவித்துள்ளார்.

இந்திய தொழில் வர்த்தக் கூட்டமைப்பின் பொதுக்குழு கூட்டம் டெல்லியில் நடைபெற்றது. இதில் செய்தியாளர்களிடம் பேசிய மத்திய நிதியமைச்சர் அருண் ஜெட்லி, ரூ.500, ரூ.1000 நோட்டுக்கள் செல்லாது என்ற அறிவிப்பு ஒரு தைரியமான பரிசோதனை என்றும், அது மத்திய அரசால் மட்டுமே முடியும் என்று தெரிவித்தார். இதன்மூலம் வரிஏய்ப்பு, கருப்பு பணம், தீவிரவாத பரவல் உள்ளிட்டவை முற்றிலும் நீங்கிவிடும் என்று குறிப்பிட்டார்.

இதனால் பொதுமக்களுக்கு குறுகிய கால பிரச்னைகள் இருந்தாலும், விரைவில் தீர்க்கப்பட்டு பொருளாதாரம் மேம்படும் என்று கூறினார். பணத்தட்டுப்பாட்டை கட்டுப்படுத்த ரிசர்வ் வங்கி, தொடர்ந்து நடவடிக்கை எடுத்து வருவதாகவும், போதிய பணத்தை நாள்தோறும் வங்கிகளுக்கு அனுப்பி வைப்பதாகவும் தெரிவித்தார். பழைய ரூ.500 மற்றும் ரூ.1000 நோட்டுக்கள் செல்லாது என்று அறிவிக்கப்பட்டுள்ளதாகவும், இதன் மதிப்பிற்கு ஈடாக புதிய ரூபாய் நோட்டுக்கள் புழக்கத்திற்கு வராது என்றும் கூறினார்.

குறைந்த நோட்டுக்களே அச்சிடப்படும் என்று அருண் ஜெட்லி குறிப்பிட்டுள்ளார். மின்னணு பணப்பரிமாற்றத்திற்கு அரசு முக்கியத்துவம் அளிக்கும் என்றும், இது நிச்சயம் பொருளாதாரத்திற்கு உதவும் என்றும் தெரிவித்தார்.

முகநூலில் எங்கள் செய்திகளை படிக்க க்ளிக் செய்யவும்


Loading...