News
Loading...

ரூ.13 ஆயிரம் செல்போனுக்காக கூரியர் பாய் கொலை

ரூ.13 ஆயிரம் செல்போனுக்காக கூரியர் பாய் கொலை

பெங்களூரின் முதல்பல்யா பகுதியைச் சேர்ந்தவர் வருண்குமார் (22). அப்பகுதியில் உள்ள ஜிம்மில் பயிற்றுநராக கடந்தவாரத்திற்கு முன்பு பணியில் சேர்ந்தார். வேலைக்கு சேர்வதற்கு முன்பு அப்பாவிடம் செல்போன் வாங்கித் தரும்படி கூறியுள்ளார். ஆனால், அதற்கு உன்னோட சொந்த பணத்தில் வாங்கிக்கொள்ளும் படி கூறியுள்ளார். இதன் காரணமாக ஆன்லைன் வர்த்தக நிறுவனமான பிளிப்கார்டில் ரூ.12,900க்கு செல்போன் ஆர்டர் செய்துள்ளார்.

இதன் காரணமாக கடந்த 9ம் தேதி கூரிய பாய் நஞ்சுண்டசாமி (28) ஆர்டர் செய்த செல்போனுடன் வந்து போன் செய்துள்ளார். அதற்கு வருண் விஜயாநகரில் உள்ள அலகாபாத் வங்கி அருகில் இருக்கும்படி சொல்லியிருக்கிறார். இதனால், அப்பகுதியில் வருணுக்காக காத்துக்கொண்டிருந்திருக்கிறார் நஞ்சுண்டசாமி.

ஆனால், வருண் வந்த வேகத்தில் கையிலிருந்த கம்பியால் அவரை தாக்கியதோடு இல்லாமல், கத்தியால் குத்தி விட்டு அவரை சிமிண்ட் அறைக்கும் இயந்திரத்திற்கு போட்டுள்ளார். நஞ்சுண்டசாமி வைத்திருந்த இரண்டு மொபைல் போன் மற்றும் ரூ.10 ஆயிரம் ரொக்க பணத்தையும் எடுத்துக்கொண்டு அங்கிருந்து தப்பி ஓடிவிட்டார்.

ஆனால், இந்த கொலை தொடர்பாக வருணை கைது செய்த போலீசார் அவரிடம் மேற்கொண்ட விசாரணையில், கொலை செய்த குற்றத்தை ஒப்புக்கொண்டார். அவரிடமிருந்த செல்போன் மற்றும் பணத்தை பறிமுதல் செய்த போலீசார் நீதிமன்ற காவலில் வைத்து பின்னர் சிறையில் அடைத்தனர்.

முகநூலில் எங்கள் செய்திகளை படிக்க க்ளிக் செய்யவும்


Loading...