News
Loading...

சூரிய மின் தகடு ஊழல்: சரிதா நாயருக்கு 3 ஆண்டுகள் சிறை

சூரிய மின் தகடு ஊழல்: சரிதா நாயருக்கு 3 ஆண்டுகள் சிறை

சூரிய மின் தகடு ஊழலில் குற்றம்சாட்டப்பட்ட சரிதா நாயர் மற்றும் பிஜூ ராதாகிருஷ்ணன் இருவருக்கும் பெரம்பாவூர் ஜுடிசியல் நீதிமன்றம் 3 ஆண்டுகள் சிறை தண்டனையும், தலா ரூ. 10,000 அபராதமும் வதித்து இன்று தீர்ப்பளித்தது.

சூரிய மின் தகடு குற்றச்சாட்டில் சரிதா நாயர், பிஜூ ராதாகிருஷ்ணன் மற்றும் பல்வேறு அரசியல் தலைவர்கள் மீது குற்றம்சாட்டப்பட்டு இருந்தது. முன்னாள் முதல்வர் உம்மன் சாண்டி மீதும் சரிதா நாயர் குற்றம்சாட்டி இருந்தார். இந்தக் குற்றச்சாட்டில் சரிதா மற்றும் பிஜூ ராதாகிருத்ணன் மீதான குற்றச்சாட்டுகளுக்கு போதிய ஆதாரங்கள் இருப்பதாக தெரிவித்துள்ள நீதிமன்றம் அவர்களுக்கு 3 ஆண்டுகள் சிறை தண்டனையும், ரூ. 10,000 அபராதமும் விதித்து இன்று தீர்ப்பளித்தது.

மேலும் இந்த வழக்கில் குற்றம்சாட்டப்பட்டிருந்த நடிகர் ஷாலு மேனன், அவருடைய தாய், மற்றும் டீம் சோலார் ஊழியர் ஆகியோர் மீது போதிய ஆதாரங்கள் இல்லை என்று அவர்கள் இந்த வழக்கில் இருந்து விடுவிக்கப்பட்டனர்.

சூரிய மின் தகடு நிறுவனம் அமைத்து தருவதாக தன்னிடம் ரூ. 40 லட்சம் பெற்று ஏமாற்றியதாக சரிதா மற்றும் பிஜூ மீது முதன் முதலாக சஜத் என்பவர் வழக்கு தொடுத்து இருந்தார். இதையடுத்து, இந்த வழக்கில் முதல் குற்றவாளியாக பிஜூ மற்றும் இரண்டாவது குற்றவாளியாக சரிதா சேர்க்கப்பட்டு இருந்தனர். இந்த முதல் வழக்கில்தான் இன்று தீர்ப்பு வழங்கப்பட்டுள்ளது.

முகநூலில் எங்கள் செய்திகளை படிக்க க்ளிக் செய்யவும்