News
Loading...

காஞ்சி கைலாசநாதர் கோயிலில் இலவச வைஃபை வசதி!

காஞ்சி கைலாசநாதர் கோயிலில் இலவச வைஃபை வசதி!

காஞ்சிபுரத்தில் உள்ள கைலாசநாதர் கோவிலில் இலவச வைஃபை சேவை வழங்கும் பணிகளை பிஎஸ்என்எல் நிறுவனம் மேற்கொண்டுள்ளது.

இன்னும் சில நாட்களில் இந்த சேவை அதிகாரப்பூர்வமாக தொடங்கப்பட உள்ளது. இதற்கான பணிகள் நிறைவடைந்துள்ளதாகவும், கைலாசநாதர் கோயில் வரும் பக்தர்கள் தடையில்லா இலவச வைஃபை சேவையை பயன்படுத்தலாம் எனவும் பிஎஸ்என்எல் பொது மேலாளர் கலாவதி தெரிவித்துள்ளார்.

பழங்கால கோயில்கள் மற்றும் தொல்லியல் சான்றுகள் நிறைந்த வரலாற்று நினைவிடங்களில் இலவச வை ஃபை சேவை வழங்கும் திட்டத்தை மத்திய அரசு செயல்படுத்தி வருகிறது. இதன்படியே, கைலாசநாதர் கோயில் வளாகத்திலும் வை ஃபை கட்டமைப்பு வசதிகள் நிறுவப்பட்டுள்ளன. இதற்கான நிதி உதவியை மத்திய அரசே ஏற்றுக் கொண்டுள்ளதாகவும், பிஎஸ்என்எல் பொது மேலாளர் கலாவதி குறிப்பிட்டுள்ளார்.

முகநூலில் எங்கள் செய்திகளை படிக்க க்ளிக் செய்யவும்


Loading...