News
Loading...

Cardiac Arrest - Heart Attack வித்தியாசம் என்ன?

Cardiac Arrest - Heart Attack வித்தியாசம் என்ன?

மிழக முதல்வர் ஜெயலலிதாவை தாக்கிய மாரடைப்புக்கும் (கார்டியாக் அரஸ்ட்), நெஞ்சுவலிக்கும் (ஹார்ட் அட்டாக்) பெரிய வித்தியாசம் இருப்பதாக மருத்துவ குறிப்புகள் தெரிவிக்கின்றன.

கடந்த செப்.22ஆம் தேதி மருத்துவமனையில் அனுமதிக்கப்பட்ட தமிழக முதல்வர் ஜெயலலிதாவுக்கு நேற்று மாலை திடீரென மாரடைப்பு ஏற்பட்டு தற்போது தீவிர சிகிச்சைப் பிரிவில் மருத்துவர்கள் கண்காணிப்பில் இருக்கிறார்.

இந்நிலையில், மாரடைப்புக்கும், நெஞ்சுவலிக்கும் வித்தியாசங்கள் இருப்பதாக கூறப்படுகிறது.

மாரடைப்பு (கார்டியாக் அரஸ்ட்) :

மாரடைப்பு என்பது உடல் முழுவதுக்கும் இதயம் மூலமாக செல்லும் ரத்த ஓட்டத்தை ஒட்டுமொத்தமாக நிறுத்தும் செயல்பாடு என கூறப்படுகிறது. மாரடைப்பால் பாதிக்கப்பட்டவர்களுக்கு இதயத் துடிப்பு நின்று எவ்வித உணர்ச்சியுமின்றி காணப்படுவர்.

மாரடைப்பு ஏற்பட காரணம் என்ன?

உயிரை அச்சுறுத்தும் மாரடைப்பு, இதயத் துடிப்பின் வேகம் முரண்பாடாக அமையும் போது ஏற்படும். இதனை வென்ட்ரிகுலர் ஃபிப்ரில்லேஷன் எனும் மருத்துவ பெயரில் குறிப்பிடுவர்.

இதயத்தின் வெவ்வேறு பாகங்களுக்கும் ஆக்ஸிஜன் மற்றும் ஊட்டச் சத்துகளை எடுத்துச் செல்லும் ரத்தம் நாடிகள், ரத்தக்குழாய்கள் மூலம் இதயத்தை சென்றடைகின்றன. இந்த ரத்த குழாய்களில் அடைப்பு ஏற்பட்டால் இதயத் தசைகளுக்கு ரத்தம் கிடைக்காமல் மாரடைப்பு ஏற்படுகிறது.

Cardiac Arrest - Heart Attack வித்தியாசம் என்ன?

மாரடைப்பின் தீவிரத் தன்மை இதயத்தசைகளில் ஏற்பட்டுள்ள பாதிப்பைப் பொறுத்து அமைகிறது. இறந்த தசைகள் இதயத்தின் ரத்தம்செலுத்தும் திறனைக் குறைத்து அதன் செயல்பாட்டினை வெகுவாக பாதிக்கிறது. பாதங்களில் வியர்த்தல் மற்றும் மூச்சுவிடமுடியாமை போன்ற நிலையை உருவாக்கி இதயத்தில் செயலற்ற நிலையை ஏற்படுத்துகிறது என கூறப்பட்டுள்ளது.

மாரடைப்பால் பாதிக்கப்பட்டவர்கள் உயிர் பிழைக்க வாய்ப்பு உள்ளதா?

மாரடைப்பு ஏற்பட்ட ஒரு சில நிமிடங்களில் விரைவாக உரிய சிகிச்சை மேற்கொண்டால் உயிர் பிழைக்க வாய்ப்புள்ளதாக கூறப்படுகிறது. மார்பு பகுதியில் 'டிஃபிப்ரில்லேடர்' எனும் கருவியின் மூலம் எலெக்ட்ரிக் ஷாக் கொடுக்கலாம். இதனை ஆம்புலன்ஸ் அல்லது மருத்துவமனைகளில் செய்வார்கள். 'டிஃபிப்ரில்லேடர்' கொடுக்கும் வரை சிபிஆர் என்பதை பயன்படுத்தி உடல் முழுவதும் ஆக்சிஜன் செல்ல வழிவகுக்கலாம்.

நெஞ்சுவலி (ஹார்ட் அட்டாக்) :

நெஞ்சுவலி என்பது இதிய தசைகளுக்கு செல்லும் ரத்த ஓட்டம் பாதிக்கப்படும் போது ஏற்படும். மார்பு பகுதியில் வலி ஏற்படுவது போல் உணரப்படும் நெஞ்சுவலி இதயத்தை நிரந்தரமாக சேதப்படுத்தும். ஆனால், நெஞ்சுவலியின் போது உடல் முழுவதும் ரத்த ஓட்டம் இருக்கும், பாதிக்கப்பட்டவருக்கு மூச்சும், சுய நினைவும் இருக்கும் என கூறப்படுகிறது.

மாரடைப்பு, நெஞ்சுவலி இரண்டுமே உயிரை அச்சுறுத்தும் கொடிய நோயாக கருதப்படுகிறது.

முகநூலில் எங்கள் செய்திகளை படிக்க க்ளிக் செய்யவும்