News
Loading...

டிஜிட்டல் பணப்பரிமாற்றத்தில் 2%வரி குறைப்பு: சிறு வணிகர்களுக்கு மத்திய அரசு சலுகை

டிஜிட்டல் பணப்பரிமாற்றத்தில் 2% வரி குறைப்பு: சிறு வணிகர்களுக்கு மத்திய அரசு சலுகை

டெல்லி: டிஜிட்டல் பணப்பரிமாற்றத்திற்கு மாறும் சிறு வணிகர்களுக்கு 2% வரி குறைக்கப்படும் என்று மத்திய அரசு அறிவித்துள்ளது.

கடந்த மாதம் 8ஆம் தேதி ரூ.500 மற்றும் ரூ.1000 நோட்டுக்கள் செல்லாது என்று மத்திய அரசு அறிவித்தது. இதையடுத்து புதிய ரூ.500 மற்றும் ரூ.2000 நோட்டுக்கள் அறிமுகப்படுத்தப்பட்டது. ஆனால் வங்கிகளில் போதிய இருப்பு இல்லாததால், கடும் பணத் தட்டுப்பாடு நிலவத் தொடங்கியது. வங்கிகளிலும், ஏடிஎம் வாசல்களிலும் நீண்ட வரிசையில் காத்திருக்கின்றனர். இதற்கிடையில் பணமில்லா பரிவர்த்தனைக்கு மாறக் கோரி, அரசு தொடர்ந்து வலியுறுத்தி வருகிறது.

இதனை ஊக்குவிக்கும் வகையில் பல்வேறு சலுகைகளையும் அறிவித்து வருகிறது. இந்நிலையில் ரூ.2 கோடி வரை வர்த்தகம் செய்யும் சிறு வணிகர்கள் மற்றும் தொழிலதிபர்களுக்கு 2 % வரி குறைக்கப்பட்டுள்ளதாக மத்திய அரசு அறிவித்துள்ளது. இதன்மூலம் சிறு வணிகர்கள் மற்றும் தொழிலதிபர்களுக்கு லாபத்தில் 8 % விதிக்கப்பட்டு வந்த வரி, இனி 6 % என வசூலிக்கப்படும்.

ஆனால் ரொக்கமாக வர்த்தகமாக செய்பவர்களுக்கு 8 % வரியே தொடரும் என்று கூறப்பட்டுள்ளது. இதுதொடர்பாக மசோதா நாடாளுமன்றத்தில் விரைவில் தாக்கல் செய்யப்படும் என்றும் தெரிவிக்கப்பட்டுள்ளது.

முகநூலில் எங்கள் செய்திகளை படிக்க க்ளிக் செய்யவும்


Loading...