News
Loading...

ஜெ., மறைவை அறியாமல் உயிர்துறந்த சோ

ஜெ., மறைவை அறியாமல் உயிர்துறந்த சோ

ஜெயலலிதாவின் மறைவை அறியாமல் அவரது நெருங்கிய நண்படும், மூத்த பத்திரிகையாளருமான சோ ராமசாமி இன்று காலை காலமானார்.

மூத்த பத்திரிகையாளரும், அரசியல் ஆலோசகரும், நடிகரும், வழக்கறிஞருமான சோ ராமசாமி இன்று காலமானார். அவர் மூச்சுத் திணறல் காரணமாக சென்னை அப்பலோ மருத்துவமனையில் அனுமதிக்கப்பட்டிருந்தார். இந்நிலையில் இன்று காலை 3.58 மணியளவில் காலமானதாக மருத்துவர்கள் தெரிவித்தனர். அவரது உடல் சென்னை எம்.ஆர்.சி நகரில் உள்ள இல்லத்தில் அஞ்சலிக்காக வைக்கப்பட்டுள்ளது.

மறைந்த முதலமைச்சர் ஜெயலலிதாவின் நெருங்கிய நண்பராக, சோ ராமசாமி திகழ்ந்தவர். சிறு வயதில் முதலே இருவரும் நட்புடன் இருந்தவர்கள். ஜெயலலிதாவின் குடும்ப நண்பராக, சகோதரராக, அரசியல் ஆலோசகராக கடைசி வரை இருந்தவர். பல்வேறு சமயங்களில் சோவிடம் இருந்து ஜெ., ஆலோசனைகள் பெற்றுள்ளார். சோ உடல்நலக்குறைவு காரணமாக மருத்துவமனையில் அனுமதிக்கப்பட்டிருந்த போது, ஜெயலலிதா நேரில் சென்று நலம் விசாரித்தார்.

இதற்கிடையில் நேற்று முன் தினம் இரவு 11.30 மணியளவில் ஜெயலலிதா காலமானார். இந்த சோகச் செய்தி, அப்பலோ மருத்துவமனையில் அனுமதிக்கப்பட்டிருந்த சோவிற்கு தெரிவிக்கப்படவில்லை. இதற்கிடையில் அவரது நாடித் துடிப்பு கடந்த சில நாட்களாகவே குறைந்து வந்ததாக மருத்துவர்கள் குறிப்பிட்டனர். இந்நிலையில் இன்று காலை 3.58 மணியளவில் மூத்த பத்திரிகையாளர் சோ காலமானார். இதனால் தனது நெருங்கிய தோழியான ஜெயலலிதாவின் இறப்பு குறித்து, அறியாமலேயே சோ காலமானது மிகுந்த சோகத்தை ஏற்படுத்தியுள்ளது.

English Summary : Cho Ramasamy died without knowing the death of his friend Jayalalitha

முகநூலில் எங்கள் செய்திகளை படிக்க க்ளிக் செய்யவும்


Loading...