News
Loading...

செல்ஃபி எடுத்ததால் மாட்டிக்கொண்ட திருடன் - 22 லட்சம் மதிப்பு நகைகள் மீட்பு

செல்ஃபி எடுத்ததால் மாட்டிக்கொண்ட திருடன் - 22 லட்சம் மதிப்பு நகைகள் மீட்பு

புதுடெல்லி : அமெரிக்காவை சேர்ந்த என்.ஆர்.ஐ பயணி டெல்லி மெட்ரோ ரயில் நிலையத்தில் செல்ஃபி எடுத்ததால், அவரிடம் திருடப்பட்ட 22 லட்சம் ரூபாய் மதிப்பிலான நகைகள் போலீஸார் மீட்டு கொடுத்துள்ளனர்.

கடந்த 9ம் தேதி டெல்லி, சவ்ரி பஜார் மெட்ரோ ரயில் நிலையத்தில் செல்ஃபி எடுத்துக் கொண்ட என்.ஆர்.ஐ ஆன நீலம் குமாரி என்ற பெண், சிறிது நேரத்தில் தன் பையில் வைத்திருந்த 22 லட்சம் மதிப்பிலான நகைகள் திருடப்பட்டதை உணர்ந்தார். இதையடுத்து மத்திய பாதுகாப்பு படை அதிகாரியிடம் (சி.ஐ.எஸ்.எஃப்) புகார் கொடுத்தார்.

புகாரை விசாரிக்கத் தொடங்கியபோது, எங்கு, எப்போது காணாமல் போனது என்று விசாரித்த போது, நீலம் குமாரி எடுத்த செல்ஃபி புகைப்படங்களை போலீஸாரிடம் காட்டியுள்ளார்.

இதையடுத்து அந்த புகைப்படத்தில் சந்தேகத்திற்குரிய வகையில் நீலம் குமாரிக்கு அருகில் நின்றிருந்தவர்கள் குறித்து விசாரித்தனர். இதையடுத்து அந்த புகைப்படத்தில் இருந்த சந்தேகத்திற்குரிய 6 பெண்கள் அடங்கிய கும்பல் குறித்து விசாரித்தனர்.

அந்த கும்பலில் இருப்பவர்களில் ஒருவர் கமலா என அடையாளம் காணப்பட்டது. அவர் அந்த திருட்டில் தலைவியாக செயல்பட்டதும் தெரியவந்தது. இதன் பின் அவரை பிடித்து விசாரித்ததில் அவர் திருடி வைத்திருந்த 22 லட்சம் ரூபாய் நகைகள் மீட்கப்பட்டது.

இந்த குற்றத்தை திறமையாக விசாரித்த சப் இன்ஸ்பெக்டர் மோனிகா, கான்ஸ்டபிள் நூர்ஜகான், நஸ்ரின் காடுன் ஆகியோருக்கு 20 ஆயிரம் ரூபாய் பரிசு வழங்கி கவுரவிப்பதாக சி.ஐ.எஸ்.எஃப் மூத்த அதிகாரி அறிவித்தார்.

முகநூலில் எங்கள் செய்திகளை படிக்க க்ளிக் செய்யவும்