News
Loading...

அரசியல் கட்சிகளின் டெபாசிட் பணத்திற்கு வரி கிடையாது: ஹஸ்முக் ஆதியா

அரசியல் கட்சிகளின் டெபாசிட் பணத்திற்கு வரி கிடையாது: ஹஸ்முக் ஆதியா

ரசியல் கட்சிகளின் வங்கிக் கணக்கில் செலுத்தப்படும் பணத்திற்கு வரி விலக்கு அளிக்கப்படும் என்று மத்திய வருவாய் துறை செயலாளர் ஹஸ்முக் ஆதியா தெரிவித்துள்ளார்.

நாட்டில் பழைய 500, 1000 ரூபாய் நோட்டுக்களை கடந்த நவம்பர் 8 ஆம் தேதி மத்திய அரசு தடை செய்தது. பழைய ரூபாய் நோட்டுக்கள் தடையால் நாட்டில் புழக்கத்தில் இருந்த 86 சதவீதம் ரூபாய் நோட்டுகள் (சுமார் ரூ.15 லட்சத்து 40 ஆயிரம் கோடி) மதிப்பிழந்தன. அதைத் தொடர்ந்து அந்த நோட்டுகளை வங்கியில் செலுத்தி மாற்றிக் கொள்வதற்கான திட்டங்கள் அறிவிக்கப்பட்டன. இதையடுத்து இந்த ரூபாய் நோட்டுக்களை வங்கியில் டெபாசிட் செய்யலாம் என்றும், மாற்றிக் கொள்ளலாம் என்று வரைமுறைகளை மத்திய நிர்ணயித்து இருந்தது. இந்நிலையில் பொது மக்கள் அனைவரும் வங்கிகளில் டெபாசிட் செய்து மாற்றியும் வந்தனர்.

இவ்வாறு வங்கியில் செலுத்தியுள்ள நிதி மட்டும் ரூ.12 லட்சத்து 44 ஆயிரம் கோடி என்பது தெரிய வந்துள்ளது.

இதற்கிடையே , அரசியல் கட்சிகள் தங்கள் வங்கி கணக்குகளில் பழைய 500 மற்றும் 1,000 ரூபாய் நோட்டுகளை டெபாசிட் செய்து இருந்தால், அந்த தொகைக்கு வருமான வரியில் இருந்து விலக்கு அளிக்கப்படும் என்று மத்திய வருவாய் துறை செயலாளர் ஹஸ்முக் ஆதியா தெரிவித்தார்.

அரசியல் கட்சிகள் பெறும் வருமானத்துக்கு வருமான வரிச்சட்டம் 13 ஏ பிரிவின் கீழ் வரிவிலக்கு அளிக்கப்பட்டு இருப்பதாகவும், கட்சிகளின் வங்கி கணக்குகளில் செலுத்தப்படும் பணம் நன்கொடையாகவோ அல்லது பிற வருவாய் மூலம் கிடைத்ததாகவோ இருக்கலாம் என்றும் அப்போது அவர் கூறினார்.

ஆனால் இந்த சலுகை தனி நபருக்குக் கிடையாது. தனி நபரின் வங்கிக் கணக்கில் செலுத்தப்பட்ட பணம் ஆய்வுக்கு உட்படுத்தப்படும் என்று ஆதியா தெரிவித்துள்ளார்.

முகநூலில் எங்கள் செய்திகளை படிக்க க்ளிக் செய்யவும்