News
Loading...

கருப்புப் பண ஒழிப்பு: மருத்துவர்களை குறி வைக்கும் மத்திய அரசு..!

கருப்புப் பண ஒழிப்பு:மருத்துவர்களை குறி வைக்கும் மத்திய அரசு..!

ருப்புப் பண ஒழிப்பு நடவடிக்கையின் ஒரு பகுதியாக ஆன்லைன் மூலமாக மருத்துவக் கட்டணங்களை வாங்காத மருத்துவர்கள் கண்காணிக்க மத்திய அரசு முடிவெடுத்துள்ளது.

கருப்புப் பணத்தை பதுக்கி வைத்திருக்கும் பெருமுதலாளிகளை தீவிரமாக கண்காணித்து வரும் மத்திய அரசு, தற்போது மருத்துவர்கள் பக்கம் தனது கவனத்தை திருப்பியுள்ளது. குறிப்பாக மருத்துவ கட்டணங்களை பணமாக மட்டும் பெற்று வரும் மருத்துவர்களை கண்காணிக்க முடிவெடுக்கப்பட்டுள்ளது.

இதுகுறித்து இந்திய மருத்துவ கவுன்சிலுக்கு கடிதம் எழுதியுள்ள மத்திய சுகாதாரத்துறை அமைச்சகம், அரசு மருத்துவமனை தவிர தனியாக மருத்துவம் பார்க்கும் அனைத்து மருத்துவர்களும் ஸ்வைப் இயந்திரத்தை இனி பயன்படுத்த வேண்டும் என அறிவுறுத்தப்பட்டுள்ளது. இந்த அறிவுறுத்தல், அடுத்தாண்டு ஏப்ரல் மாதம் முதல் அனைத்து மருத்துவர்களுக்கும் கட்டாயமாக்கப்படும் எனவும் சுகாதார அமைச்சகம் தெரிவித்துள்ளது.

இதனையும் மீறி ஸ்வைப் இயந்திரங்களை பயன்படுத்தாத மருத்துவர்களின் அங்கீகாரம் ரத்து செய்யப்படும் எனவும் மத்திய வருவாய்த் துறை தெரிவிக்கப்பட்டுள்ளது. மருந்தகங்களை பொறுத்த வரை, 5000 ரூபாய்க்கு அதிகமாக மருந்துகளை வாங்கும் போது, ஸ்வைப் இயந்திரம் மூலமாகவே பணம் பெற வேண்டும் என அறிவுறுத்தப்பட்டுள்ளது.

ஸ்வைப் இயந்திர பயன்பாடு குறித்த அறிவிப்பை, அனைத்து தனியார் மருத்துவர்களுக்கும் மருத்துவ கவுன்சில் அனுப்ப உள்ளது. மேலும் ஸ்வைப் இயந்திரங்களை மருத்துவர்கள் பயன்படுத்துவதை உறுதி செய்ய, வங்கிகளின் சான்றிதழும் தனியார் மருத்துவர்களிடம் கேட்கப்படும்.

இதுதவிர தனியார் மருத்துவர்கள், தங்களுடைய ஊழியர்களுக்கு ஆன்லைன் மூலமாகத்தான் மாத ஊதியத்தை அளிக்க வேண்டும் எனவும் பத்துக்கு மேற்பட்ட ஊழியர்களை கொண்டுள்ள மருத்துவர்கள், தொழிலாளர் கமிஷனிடம் அது குறித்த தகவல்களை அளிக்க வேண்டும் எனவும் அந்த கடிதத்தில் தெரிவிக்கப்பட்டுள்ளது.

மொத்தத்தில் இனி மருத்துவர்கள் கருப்புப் பணம் பதுக்க முடியாத அளவிற்கு, மிகக் கடுமையான விதிமுறைகளை மத்திய அரசு விதித்துள்ளது என்பது குறிப்பிடத்தக்கது.

முகநூலில் எங்கள் செய்திகளை படிக்க க்ளிக் செய்யவும்


Loading...