News
Loading...

13,000 கோடியும் கருப்புப் பணம்தான் - ஓப்பனாக ஒத்துக் கொண்ட தொழிலதிபர்..!

13,000 கோடியும் கருப்புப் பணம்தான் - ஓப்பனாக ஒத்துக் கொண்ட தொழிலதிபர்..!

குஜராத்தைச் சேர்ந்த தொழிலதிபர் ஒருவர் 13,000 கோடி ரூபாய் கருப்புப் பணம் வைத்திருப்பதாக வருமான வரித்துறையிடம் தெரிவித்துள்ளார்.

இந்தியாவில் உள்ள #demonetization கருப்பு பணத்தை ஒழிக்கும் நோக்கில்,கடந்த சில மாதங்களுக்கு முன்னர் ”வருமான அறிவிப்பு”என்ற திட்டத்தை மத்திய நிதி அமைச்சகம் கொண்டு வந்தது.இந்த திட்டத்தின்படி,2016-ம் நிதியாண்டு மற்றும் அதற்கு முந்தைய ஆண்டுகளில் கணக்கில் வராத கருப்புப் பணம் வைத்திருப்பவர்கள்,அது குறித்த தகவலை அரசுக்கு தெரிவிக்க வேண்டும்.பின்னர் அந்த பணத்திற்கு 45 சதவீத அளவிற்கு வரிப்பிடித்தம் செய்யப்படும்.அவர்களே முறையாக வருமான வரியை கட்டிவிட்டால்,கருப்புப் பணத்தை பதுக்கிய குற்றத்திலிருந்து அவர்களுக்கு பொது மன்னிப்பு அளிக்கப்படும்.

இந்த திட்டமானது ஜூலை 1-ஆம் தேதியிலிருந்து செப்டம்பர் 30-ஆம் தேதி வரை நடைமுறையில் இருக்கும் என அறிவிக்கப்பட்டது.இந்த திட்டத்தின் மூலம் இந்தியாவில் பதுக்கப்பட்டிருக்கும் பரவலான கருப்புப் பணம் வெளிவரும் என மத்திய அரசு தெரிவித்திருந்தது.

இந்நிலையில் குஜராத்தை சேர்ந்த மகேஷ் ஷா என்ற தொழிலதிபர்,தன்னிடமுள்ள 13,000 கோடி ரூபாய்க்கு முறையாக வருமானவரி கட்டவில்லை என்பதை #IncomeDeclarationScheme ‘வருமான அறிவிப்பு’ திட்டத்தின் கீழ் தெரிவித்துள்ளார் என்ற தகவல் தற்போது வெளியாகியுள்ளது.இவர் இந்த தகவலை வருமான அறிவிப்புத் திட்டம் முடிவடையும் நாளான செம்படம் 30-ஆம் தேதி வருமான வரித்துறை அதிகாரிகளிடம் தெரிவித்துள்ளார்.

இவர் வருமான அறிவிப்பு திட்டத்தின் கீழ் தனது தவறை ஒப்புக் கொண்டாலும்,செப்டம்பர் 30-ஆம் தேதிக்குள் 13,000 கோடி ரூபாய்க்கான வருமான வரியை கட்டவில்லை.எனவே அவரிடம் உள்ள 13,000 கோடி ரூபாயும் கருப்புப் பணம் என மத்திய அரசு தற்போது அதிரடியாக அறிவித்துள்ளது.

மகேஷ் ஷாவின் இந்த பணம் முழுவதும் குஜராத் மாநிலத்தைச் சேர்ந்த பல பெரும்புள்ளிகளின் பணம் என கூறப்படுகிறது.வருமான வரித்துறை அதிகாரிகள் தொடர்ந்து மகேஷ் ஷாவின் வீடு மற்றும் அலுவலகங்களில் சோதனை நடத்தி வருகின்றனர்.

முகநூலில் எங்கள் செய்திகளை படிக்க க்ளிக் செய்யவும்


Loading...