News
Loading...

வண்டலூரில் திமுக பிரமுகர் அரிவாளால் வெட்டி கொலை

வண்டலூரில் திமுக பிரமுகர் பெட்ரோல் குண்டு வீசியும், அரிவாளால் வெட்டியும் கொலை

ண்டலூர் அருகே தி.மு.க. பிரமுகர் மீது 7பேர் கொண்ட மர்ம கும்பல் பெட்ரோல் குண்டு வீசியும், அரிவாளால் சரமாரியாக வெட்டிக் கொன்ற சம்பவம் அப்பகுதியில் அதிர்ச்சியை ஏற்படுத்தியுள்ளது.

காஞ்சீபுரம் மாவட்டம் வண்டலூரை அடுத்த ஓட்டேரி 7–வது மெயின் ரோட்டில் வசித்தவர் விஜயராஜ் (வயது 40). காஞ்சீபுரம் வடக்கு மாவட்ட தி.மு.க. இளைஞரணி துணை அமைப்பாளராக இருந்து வந்தார். இவருக்கு முத்தமிழ்செல்வி என்ற மனைவியும், 2 குழந்தைகளும் உள்ளனர். விஜயராஜ், ஓட்டேரியில் நிதி நிறுவனம் நடத்தி வந்துள்ளார். இவர் நேற்றிரவு தன்னுடைய நிதி நிறுவனம் முன்பு நின்று கொண்டு இருந்தார். அப்போது அங்கு காரில் வந்த சுமார் 7 பேர் கொண்ட மர்ம கும்பல் திடீரென விஜயராஜ் மீது பெட்ரோல் குண்டு வீசியும், அரிவாளால் சரமாரியாக வெட்டிக் கொன்றனர். இதில் அந்த இடத்திலேயே விஜயகுமார் துடிதுடித்து இறந்தார்.

தகவல் அறிந்த திமுகவினர் அந்த இடத்தில் குவிந்ததால் சிறிது நேரம் பதட்டம் ஏற்பட்டது. அப்பகுதியில் கடைகள் அடைக்கப்பட்டன. விஜயராஜின் உடல் பிரேத பரிசோதனைக்காக செங்கல்பட்டு அரசு ஆஸ்பத்திரிக்கு அனுப்பி வைக்கப்பட்டது. கொலை சம்பவம் குறித்து போலீசார் விசாரணை நடத்தினர்.

விசாரணையில், கடந்த 2001, 2006–ம் ஆண்டில் வண்டலூர் ஊராட்சி தலைவர் பதவிக்கு போட்டியிட்ட விஜயராஜ் தோல்வி அடைந்தார். தற்போது அந்த இடம் ஆதிதிராவிடர் பெண்களுக்கு ஒதுக்கப்பட்டது. இதையடுத்து சில மாதங்களுக்கு முன்பு நடைபெறுவதாக இருந்த உள்ளாட்சி தேர்தலில் வண்டலூர் ஊராட்சி தலைவர் பதவிக்கு தன்னுடைய மனைவி முத்தமிழ்செல்வி போட்டியிட மனுதாக்கல் செய்திருந்தார்.

எனவே தேர்தல் முன்விரோதம் காரணமாக விஜயராஜ் கொலை செய்யப்பட்டாரா? அல்லது பண விவகாரமா? போன்ற பல்வேறு கோணங்களில் போலீசார் விசாரணை நடத்தி வருகின்றனர்.

முகநூலில் எங்கள் செய்திகளை படிக்க க்ளிக் செய்யவும்


Loading...