News
Loading...

50 ஆயிரம் லஞ்சம் வாங்கும் போது பிடிபட்ட டி.எஸ்.பி. உஸ்மான் அலிகான்

50 ஆயிரம் லஞ்சம் வாங்கும் போது பிடிபட்ட டி.எஸ்.பி. உஸ்மான் அலிகான்

50 ஆயிரம் லஞ்சம் வாங்கிய வேலூர் மாவட்ட நில அபகரிப்பு தடுப்புப் பிரிவு டி.எஸ்.பியை லஞ்ச ஒழிப்புப் பிரிவு போலிசார்கைது செய்தனர்.

வேலூர் மாவட்டம் காவல் அலுவலகம் சத்துவாச்சாரியில் உள்ளது. இந்த வளாகத்தின் தரைதளத்தில் நில அபகரிப்பு தடுப்பு பிரிவு செயல்பட்டு வருகின்றது.

இப்பிரிவுக்கு உஸ்மான் அலிகான் என்பவர் டி .எஸ். பி. யாக உள்ளார்.எஸ்.பி. அலுவலகத்தில் அளிக்கப்படும் நிலம் அபகரிப்பு தொடர்பான புகார்களை உஸ்மான் அலிகான் டி .எஸ்.பிக்கு பரிந்துரை செய்வது அலுவல் வழக்கம்.

அப்படி பரிந்துரை செய்யப்படுகின்ற புகார் மனுக்கள் மீது விசாரித்து நடவடிக்கை எடுக்க முதலில் ரேட் பேசுவாராம்.அவர் மீது பல்வேறு புகார்கள் உயர் அதிகாரிகளுக்கும், லஞ்ச ஒழிப்பு போலீசாருக்கும் சென்றது.

அதனடிப்படையில் லஞ்ச ஒழிப்பு துறை ஏ.டி.எஸ்.பி பாலசுப்பிரமணி தலைமை யிலான குழு அவரை கண்காணித்த போது 50 ஆயிரம் லஞ்சம் பெற்றார். அப்போது டி.எஸ்.பி. உஸ்மான் அலிகான் கையும் களவுமாக பிடிபட்டார்.

மாவட்ட காவல் அலுவலகத்தில் பல்வேறு பிரிவுகள் உள்ள நிலையில் இந்த கைது மற்ற அதிகாரிகளை கலக்கம் அடைய செய்திருக்கிறது.

முகநூலில் எங்கள் செய்திகளை படிக்க க்ளிக் செய்யவும்