News
Loading...

சென்னையில் ஏன் ஏ.டி.எம்கள் இயங்கவில்லை தெரியுமா?

சென்னையில் ஏன் ஏ.டி.எம்கள் இயங்கவில்லை தெரியுமா?

ர்தா புயலினால் செயற்கை கோளுக்கு சிக்னல் அனுப்பும் ஆண்டனாக்கள் சேதமடைந்துள்ளதால் சென்னையில் உள்ள 80 சதவீத ஏ.டி.எம்கள் செயல்படவில்லை என தெரிய வந்துள்ளது.

சென்னையில் சுமார் 3200 ஏ.டி.எம் மையங்கள் செயல்பட்டு வருகின்றன. வர்தா புயல் காரணமாக இவற்றில் பெரும்பாலான ஏ.டி.எம்கள் இயங்கவில்லை என்பதால்,பணம் எடுக்க முடியாமல் சென்னைவாசிகள் பரிதவித்து வருகிறார்கள்.

சென்னையில் உள்ள ஏ.டி.எம்களில் 80 சதவீதம் செயற்கைகோளுடனும்,மீதமுள்ள 20 சதவீதம் சி.டி.எம்.ஏ இணைப்பு மூலமும் செயல்பட்டு வருகின்றன.வர்தா புயல் காரணமாக ஏ.டி.எம் மையங்களிலிருந்து செயற்கை கோளுக்கு சிக்னல் அனுப்பும் ஆண்டனாக்கள் சேதமடந்துள்ளன. இதனால் ஏ.டி.எம் மையங்களினால் செயல்பட இயலவில்லை என கூறப்படுகிறது.

கருப்புப் பண ஒழிப்பு நடவடிக்கைகளுக்கு பிறகு பத்து சதவீத ஏ.டி.எம்களில் நிரப்புவதற்கு மட்டுமே பணம் கிடைத்து வருவதாகவும், தற்போது வர்தா புயல் காரணமாக அந்த பணத்தையும் ஏ.டி.எம் மையங்களில் நிரப்ப முடியவில்லை எனவும் வங்கி அதிகாரிகள் தெரிவிக்கின்றனர்.

ஏ.டி.எம் மையங்களில் சேதமடைந்துள்ள ஆண்டெனாக்களை சரிசெய்யும் பணிகள் நடைபெற்று வருவதாகவும், கூடிய விரைவில் அனைத்து ஏ.டி.எம்களும் இயங்கத் துவங்கும் எனவும் வங்கி அதிகாரிகள் கூறியுள்ளனர்.

முகநூலில் எங்கள் செய்திகளை படிக்க க்ளிக் செய்யவும்