News
Loading...

கள்ள ஆட்டம் ஆடும் ஃப்ளிப்கார்ட்

கள்ள ஆட்டம் ஆடும் ஃப்ளிப்கார்ட்

ப்ளிப்கார்ட் இணைய வர்த்தக நிறுவனத்தின் அனுமதி பெறாத சலுகை விற்பனைக்கு ஓன் ப்ளஸ் மொபைல் தயாரிப்பு நிறுவனம் குற்றம்சாட்டியுள்ளது.

ஃப்ளிப்கார்ட் இணைய வர்த்தக நிறுவனம் டிசம்பர் 18 முதல் 21 வரை பிக் ஷாப்பிங் டேஸ் என்ற பெயரில் அதிரடி சலுகை விற்பனையை அறிவித்துள்ளது. இதில் ஓன் ப்ளஸ் நிறுவனத்தின் புதிய மொபைலான ஓன் ப்ளஸ் 3 மொபைலுக்கு சிறப்பு சலுகை வழங்கவுள்ளதாகவும் ஃப்ளிப்கார்ட் விளம்பரம் செய்து வருகிறது. ரூ.27,999 மதிப்புள்ள மொபைலை ‘ரூ.1_,999’க்கு விற்கவுள்ளதாகக் கூறி விலையில் சஸ்பென்ஸ் வைத்திருக்கிறது ஃப்ளிப்கார்ட்.

அமேசான் இணையதளத்தில் மட்டும் தான் ஒன் ப்ளஸ் 3 மொபைல் விற்பனை செய்யப்படும் என்று ஒன் ப்ளஸ் நிறுவனம் அறிவித்திருக்கிறது. இதற்காக அமேசானும் ஒன் ப்ளஸ் மொபைல்ஸும் ஒப்பந்தம் செய்துள்ளன.

கள்ள ஆட்டம் ஆடும் ஃப்ளிப்கார்ட்

இப்படி இருக்க, ஃப்ளிப்கார்ட்டில் ஒன் ப்ளஸ் 3 சலுகை விலையில் கிடைக்கும் என்ற விளம்பரத்தைப் பார்த்த ஒன் ப்ளஸ் நிறுவனம், ஒரிஜினல் ஒன் ப்ளஸ் மொபைல் அமேசானில் தான் கிடைக்கும் என்று கூறியுள்ளது. மேலும், ஃப்ளிப்கார்ட் சலுகை விற்பனைக்கு தங்களிடம் எந்த அனுமதியும் பெறவில்லையே என்றும் தெரிவித்துள்ளது. ஆனால், இது குறித்து ஃப்ளிப்கார்ட் சார்பில் பதில் ஏதும் சொல்லப்படவில்லை. இன்னமும் ஒன் ப்ளஸ் 3 மொபைலுக்கு ஆஃபர் அளிப்பது பற்றிய விளம்பரம் ஃப்ளிப்கார்ட் இணையதளத்தில் உள்ளது.

இதனை அறிந்த நெட்டிசன்கள் ஃப்ளிப்கார்ட் டூப்ளிகேட் மொபைல்களை விற்கிறதா? பயன்படுத்திய மொபைல்களை பாலிஷ் செய்து ஏமாற்றப்பார்க்கிறதா என்று தாக்கத் தொடங்கிவிட்டனர்.

முகநூலில் எங்கள் செய்திகளை படிக்க க்ளிக் செய்யவும்


Loading...