News
Loading...

என்னை அடையாளப்படுத்திக் கொள்ள ஜாதி பெயரை சேர்த்துள்ளேன்: அருந்ததி நாயர்!

என்னை அடையாளப்படுத்திக் கொள்ள ஜாதி பெயரை சேர்த்துள்ளேன்: அருந்ததி நாயர்!

மிழ் சினிமாவில் என்னை அடையாளப்படுத்திக் கொள்ள ஜாதி பெயரை சேர்த்துள்ளேன் என்கிறார் நடிகை அருந்ததி நாயர்.

நடிகை அருந்ததி நாயர், விஜய் ஆண்டனிக்கு ஜோடியாக ‘சைத்தான்’ படத்தில் நடித்துள்ளார். தமிழில் இவர் நடித்த இரண்டாவது படம். அவர் நடித்த முதல் படம் ‘விருமாண்டிக்கும் சிவனாண்டிக்கும். மலையாள நடிகைகள் பார்வதி, ஜனனி உள்ளிட்ட சிலர் தங்கள் பெயருக்கு பின்னால் உள்ள ஜாதி பெயர்களை போடுவதில்லை. ஆனால், நடிகை அருந்ததி பெயருக்கு பின்னார் நாயர் ஏன் வைத்துள்ளார் என்பதற்கு அவரே பதில் விளக்கம் அளித்துள்ளார்.

கேரளாவில் பெயருக்கு முன்னால் ஊர் பெயரையும், பெயருக்கு பின்னால் ஜாதி பெயரையும் வைத்துக் கொள்வது வழக்கம். இதனை கேரளாவில் ஜாதி அடையாளமாக பார்க்க மாட்டார்கள் குடும்ப அடையாளமாகத்தான் பார்ப்பார்கள். ஆனாலும் எனக்கு ஜாதி பெயரை போட்டுக் கொள்வதில் விருப்பம் இல்லை. கேரளாவில் என்னை தவிர அருந்ததி என்கிற பெயரில் வேறு சில நடிகைகளும் இருக்கிறார்கள். தமிழ்நாட்டிலும் இருக்கிறார்கள். எனவே என்னை தமிழ் சினிமாவில் அடையாளப்படுத்திக் கொள்ளத்தான் நாயர் அடைமொழியை சேர்த்திருக்கிறேன்.

சைத்தான்’படத்திற்குப் பிறகு ‘100 டிகிரி செல்ஷியஸ்’என்ற மலையாளப்படத்தின் தமிழ் ரீமேக்கில் நடித்து வருகிறேன். கிளாமராக நடிக்கமாட்டேன். அதில் உறுதியாக இருக்கிறேன். கிளாமர் எனக்கு ஒத்து வராது. அதனால் நடிப்பதில்லை’என்றார் அருந்ததி நாயர்

முகநூலில் எங்கள் செய்திகளை படிக்க க்ளிக் செய்யவும்


Loading...