News
Loading...

சசியை விட மாட்டேன்: சசிகலா புஷ்பா ஆவேசம்

சசியை விட மாட்டேன்: சசிகலா புஷ்பா ஆவேசம்

திமுக பொதுச் செயலாளராகக் குறுக்கு வழியில் வரும் சசிகலாவை சும்மா விடமாட்டேன் என்று சசிகலா புஷ்பா ஆவேசமாகக் கூறியுள்ளார்.

அதிமுக சார்பாக, நாடாளுமன்ற உறுப்பினராக தேர்வு செய்யப்பட்ட சசிகலா புஷ்பா, அக்கட்சித் தலைமையுடன் ஏற்பட்ட கருத்து வேறுபாடு காரணமாக, அதிமுக.,வில் இருந்து வெளியேற்றப்பட்டார். எனினும், ஜெயலலிதாவின் மறைவுக்குப் பின்னர் அதிமுக.,வின் தலைமைப் பதவியை கைப்பற்ற சசிகலா புஷ்பா கடும் முயற்சிகளை மேற்கொண்டுவருகிறார். 

இதன்ஒருபகுதியாக, நேற்று சென்னை ராயப்பேட்டையில் உள்ள அதிமுக தலைமை அலுவலகத்தில் நடைபெற்ற அதிமுக பொதுச் செயலாளர் பதவிக்கான வேட்பு மனுதாக்கலில், சசிகலா புஷ்பா, அவரது கணவர் மற்றும் வழக்கறிஞர்கள் முயற்சித்தனர்.

ஆனால், அவர்களை சசிகலா கும்பல் பலமாகத் தாக்கி, அங்கிருந்து வெளியேற்றினர். இதையடுத்து, சசிகலா புஷ்பா கடும் ஆக்ரோஷத்தில் உள்ளார். அவர் இதுதொடர்பாகக் கூறுகையில், அதிமுக பொதுச் செயலாளராக சசிகலா வருவதை ஒருபோதும் அனுமதிக்கமாட்டேன் என்றார்.

மேலும், ‘’தேர்தல் அறிவிக்காமல், குறுக்கு வழியில், பொதுக்குழுக் கூட்டத்தில், பொதுச்செயலாளராக சசிகலா தேர்வு செய்யப்பட்டுள்ளார். பொதுக்குழு உறுப்பினர்களை கட்டாயப்படுத்தி, இதனைச் செய்துள்ளனர். ஒன்றரை கோடி தொண்டர்கள் சேர்ந்து, பொதுச்செயலாளரை தேர்வு செய்ய வேண்டும். ஆனால், சசிகலா, குறுக்கு வழியில் பொதுச்செயலராக விரும்புகிறார். அவருக்கு ஆதரவு உள்ளது என்றால், முறைப்படி தேர்தலை நடத்தலாம். அவரை, தொண்டர்கள் ஏற்றுக் கொள்ளவில்லை.பொதுக்குழு உறுப்பினர்கள் மட்டும், பொதுச்செயலரை தேர்வு செய்ய முடியாது,’’ என்றும் சசிகலா புஷ்பா தெரிவித்துள்ளார்.

முகநூலில் எங்கள் செய்திகளை படிக்க க்ளிக் செய்யவும்