News
Loading...

ஜெ., மறைவு: இந்திய கிரிக்கெட் வீரர்கள் கருப்பு பேண்ட் அணிந்து விளையாட முடிவு

ஜெயலலிதா மறைவு: இந்திய கிரிக்கெட் வீரர்கள் கருப்பு பேண்ட் அணிந்து விளையாட முடிவு

றைந்த முதலமைச்சர் ஜெயலலிதாவுக்கு அஞ்சலி செலுத்தும் வகையில், சென்னையில் நடைபெற உள்ள டெஸ்ட் கிரிக்கெட் போட்டியின்போது, இந்தியா மற்றும் இங்கிலாந்து அணி வீரர்கள் கருப்பு பேண்ட் அணிந்து விளையாடுவார்கள் என தகவல் வெளியாகியுள்ளது.

இந்தியாவில் சுற்றுப்பயணம் மேற்கொண்டுள்ள இங்கிலாந்து கிரிக்கெட் அணி, 5 டெஸ்ட் போட்டிகள் கொண்ட தொடரில் விளையாடி வருகிறது. இதன்படி, இறுதி டெஸ்ட் போட்டி, நாளை (டிச.,16) முதல் சென்னை சேப்பாக்கம் மைதானத்தில் நடைபெறுகிறது.

இதற்காக, சென்னை வந்துள்ள இந்திய மற்றும் இங்கிலாந்து கிரிக்கெட் வீரர்கள் போட்டிக்கான பயிற்சியில் ஈடுபட்டுள்ளனர். இந்த போட்டியின்போது, இரு அணி வீரர்களுமே, தங்களது சீருடையின் தோள்பகுதியில் கருப்பு நிற பட்டை அணிந்து விளையாடுவார்கள் எனக் கூறப்படுகிறது.

மறைந்த முதலமைச்சர் ஜெயலலிதாவுக்கு அஞ்சலி செலுத்தும் வகையில் இந்த முடிவை மேற்கொண்டுள்ளதாகவும் தெரிகிறது. இதுதொடர்பாக, 2 அணி வீரர்களுக்குமே முறைப்படி தகவல் தெரிவிக்கப்பட்டுள்ளதாக, தமிழ்நாடு கிரிக்கெட் சங்க நிர்வாகி ஒருவர் குறிப்பிட்டுள்ளார்.

முன்னதாக, ஜெயலலிதா மறைவை ஒட்டி, இந்த டெஸ்ட் போட்டியை தள்ளிவைக்கவும் பரிசீலிக்கப்பட்டுவந்தது குறிப்பிடத்தக்கது.

முகநூலில் எங்கள் செய்திகளை படிக்க க்ளிக் செய்யவும்