News
Loading...

புனே வங்கியில் வருமான வரித்துறை ரெய்டு: பதுக்கிய ரூ.10 கோடி கண்டுபிடிப்பு

புனே வங்கியில் வருமான வரித்துறை ரெய்டு: பதுக்கிய ரூ.10 கோடி கண்டுபிடிப்பு

புனே: முதல் முறையாக புனே வங்கியில் வருமான வரித்துறை மேற்கொண்ட ரெய்டில், ரூ.10 கோடி பணம் கண்டுபிடிக்கப்பட்டுள்ளது.

கடந்த மாதம் 8ஆம் தேதி, ரூ.500 மற்றும் ரூ.1000 நோட்டுக்கள் செல்லாது என்று மத்திய அரசு அறிவித்தது. இதன்மூலம் கருப்பு பணத்தை ஒழிக்கும் நடவடிக்கையில் ஈடுபட்டுள்ளதாக தெரிவித்தது. இதையடுத்து நாடு முழுவதும் ஏராளமானோரின் வீடுகள் மற்றும் அலுவலகங்களில் இருந்து, கோடிக்கணக்கில் பழைய மற்றும் புதிய ரூபாய் நோட்டுக்கள் கைப்பற்றப்பட்டு வருகின்றன.

இந்நிலையில் மகாராஷ்டிர மாநில அரசின் பாங்க் ஆப் மகாராஷ்டிரா வங்கி கிளையில் வருமான வரித்துறையினர் முதல் முறையாக சோதனையில் ஈடுபட்டனர். அங்கு அமெரிக்க எண்ணெய் வயல் உபகரண சப்ளை நிறுவனத்தின் பல்வேறு லாக்கர்களில் இருந்து, கணக்கில் வராத புதிய ரூ.2000 மற்றும் ரூ.100 நோட்டுக்களை கண்டுபிடித்தனர். இந்த ரூபாய் நோட்டுக்கள் எண்ணும் பணி, நேற்று மதியம் தொடங்கியது.

நேற்று மாலை வரை ரூ.10 கோடி பணம் கைப்பற்றப்பட்டது. ரூபாய் நோட்டுக்கள் எண்ணும் பணி இன்றும் தொடர்ந்து வருகிறது. சிசிடிவி காட்சிகள் மூலம் விசாரணை மேற்கொண்டதில், லாக்கர்கள் அனைத்தும் தனிநபர்களுக்கு சொந்தமானது என தெரியவந்துள்ளதாக வருமான வரித்துறையினர் தெரிவித்தனர். இதுதொடர்பாக பேசிய வங்கியின் செய்தித் தொடர்பாளர், குறிப்பிட்ட நிறுவனம் வங்கியில் நடப்பு கணக்கை கொண்டுள்ளதாகவும், இதற்கும் வங்கிக்கும் எந்தவித தொடர்பும் இல்லை என்றும் கூறியுள்ளார்.

முகநூலில் எங்கள் செய்திகளை படிக்க க்ளிக் செய்யவும்


Loading...