News
Loading...

ஜெயலலிதாவுக்கு உறவினர்கள் மீண்டும் இறுதிச் சடங்கு

ஜெயலலிதாவுக்கு உறவினர்கள் மீண்டும் இறுதிச் சடங்கு

திருச்சி: மறைந்த தமிழக முதல்வர் ஜெயலலிதா மோக்ஷம் பெற வேண்டி இறுதிச் சடங்குகளை அவரது உறவினர்கள் மீண்டும் நடத்தினர்.

உடல்நலக் குறைவு காரணமாக சிகிச்சை பெற்று வந்த ஜெயலலிதா கடந்த 5-ம் தேதி இரவில் காலமானார். பொதுமக்கள் அஞ்சலிக்காக வைக்கப்பட்டிருந்த அவரது பூத உடல், சென்னை மெரீனா கடற்கரையில் உள்ள முன்னாள் முதல்வர் எம்ஜிஆரின் நினைவிடம் அருகே அடக்கம் செய்யப்பட்டது.

மறைந்த முதல்வர் ஜெயலலிதாவின் உடலுக்கு அவரது தோழி சசிகலா முன்னிலையில் ஜெயலலிதாவின் சகோதரர் மகன் இறுதிச்சடங்கு செய்தார். ஜெயலலிதாவின் உடல் தகனம் செய்யப்படாமல், அடக்கம் செய்யப்பட்ட விஷயம் அப்போதே பல்வேறு தரப்பினரால் விமர்சனத்துக்குள்ளானது.

இந்நிலையில், மறைந்த தமிழக முதல்வர் ஜெயலலிதா மோக்ஷம் பெற வேண்டி இறுதிச் சடங்குகளை, ஸ்ரீரங்கம் காவேரி கரையோரத்தில் அவரது உறவினர்கள் மீண்டும் செய்தனர். மூத்த பூசாரி ரங்கநாத் ஐயங்கார், பொம்மை ஒன்றை ஜெயலலிதா போல பாவித்து தகனம் செய்து இறுதிச் சடங்குகளை மேற்கொண்டார். இந்த சடங்குகளுக்கு ஜெயலலிதாவின் உறவினர் வரதராஜு தலைமையேற்றார். அப்போது, ஜெயலலிதாவின் உடல் தகனம் செய்யப்படாமல் அடக்கம் செய்யப்பட்டது ஏன்? எனவும், சென்னையில் நடைபெற்ற இறுதிச் சடங்குகளின் போது எங்களை ஏன் கலந்து கொள்ள அனுமதிக்கவில்லை எனவும் அவர் கேள்வி எழுப்பினார்.

இந்த இறுதிச் சடங்கு நிகழ்சிகளில் கலந்து கொண்ட, கர்நாடக மாநிலம் மைசூரு உள்ளிட்ட இடங்களில் வசிக்கும் ஜெயலலிதாவின் உறவினர்களும் தங்களது அதிருப்தியை வெளிப்படுத்தினர்.

முகநூலில் எங்கள் செய்திகளை படிக்க க்ளிக் செய்யவும்


Loading...