News
Loading...

எனது பெரியம்மாவின் மரணத்தில் மர்மம் உள்ளது

எனது பெரியம்மாவின் மரணத்தில் மர்மம் உள்ளது

''னது பெரியம்மாவின் மரணத்தில் மர்மம் உள்ளது. எனக்கு நீதி கிடைக்க வேண்டும். கடந்த திங்கள் கிழமையில் இருந்து சென்னையில் வசித்து வந்த எனது உறவினர் தீபாவையும் காணவில்லை'' என்று ஜெயலலிதாவின் தங்கை மகள் என்று கூறிக் கொள்ளும் அம்ருதா பேட்டி அளித்துள்ளார்

அந்தப் பேட்டியில், கடந்த திங்கள் கிழமையில் இருந்து ஜெயலலிதாவின் அண்ணன் ஜெயராமானின் மகளும், தனது உறவினருமான தீபாவைக் காணவில்லை என்று அம்ருதா தெரிவித்துள்ளார்.

மறைந்த முதல்வர் ஜெயலலிதாவுக்கு உறவினர்களே இல்லை என்று கூறப்பட்டு வந்த நிலையில், அவரது தந்தைக்கு மூத்த மனைவி இருந்ததாகவும், அவரது மகள் சைலஜா என்பதும் தற்போது செய்தி வெளியாகி உள்ளது. இவர் கடந்த 2015ல் காலமாகிவிட்டதாகவும், இவரது மகள் அம்ருதா என்று அறிமுகப்படுத்திக் கொண்டவர் மும்பை மிரர்ருக்கு பேட்டி அளித்துள்ளார்.

ஜெயலலிதா குறித்து பல்வேறு தகவல்களை வெளியிட்ட அம்ருதா, '''1996 மற்றும் 1998-ம் ஆண்டுகளில் 3 முறை ஜெயலலிதாவை நான் சந்தித்திருக்கிறேன். முன்னதாக நாங்கள் போயஸ் கார்டன் சென்று ஜெயலலிதாவை சந்தித்து வந்தோம். சசிகலாவின் கை ஓங்கிய பின்னர் தலைமைச் செயலகம் சென்று நாங்கள் ஜெயலலிதாவை சந்தித்து வந்தோம். எப்போதும் அவரது உறவுகளை பொது மக்கள் அறிந்து கொள்வதை விரும்பவில்லை. ஒரு முறை எனது தாய் அளித்திருந்த பேட்டியை எனது பெரியம்மா விரும்பவில்லை. ஆதலால், பத்திரிக்கைகளுக்கு பேட்டி கொடுக்க வேண்டாம் என்று அறிவுறுத்தி இருந்தார். எனது தாய் கடந்த 2015ல் காலமானார்.

உண்மையில் அவருக்கு என்ன நடந்தது. என்ன சிகிச்சை அளிக்கப்பட்டது என்பது பற்றி எந்தத் தகவலும் வெளியாகவில்லை. மருத்துவமனையில் எனது பெரியம்மா இருந்தபோது நானும் பார்க்கக் சென்று இருந்தேன். ஆனால், என்னை சந்திக்க அனுமதிக்கவில்லை. காங்கிரஸ் துணைத்தலைவர் ராகுல் காந்தி வந்திருந்தும் சந்திக்க அனுமதிக்கவில்லை. மரணத்தில் எனக்கு சந்தேகம் உள்ளது. எனது பெரியம்மாவிடம் வெற்று காகிதத்தில் சசிகலா கையெழுத்து வாங்கியதாக செய்தி வெளியாகியுள்ளது. எதற்காக அவ்வாறு செய்தார். எனது பெரியமாவின் சாவில் எனக்கு நியாயம் வேண்டும்'' என்று தெரிவித்துள்ளார்.

இறுதியாக எனது பெரியம்மாவுடன் கடந்த 2014ல் தொலைபேசியில் கன்னடத்தில் பேசி இருந்தேன். அப்போது, எனக்கு பல லட்சக்கணக்கான தொண்டர்கள் இருந்தும் நான் தனிமையில் இருக்கிறேன் என்று என்னிடம் கூறி வருத்தப்பட்டார்.

முகநூலில் எங்கள் செய்திகளை படிக்க க்ளிக் செய்யவும்