News
Loading...

ரிலையன்ஸ் ஜியோ விளம்பரத்தில் பிரதமர் மோடியின் புகைப்படம்: ரூ.500 அபராதம்!

ரிலையன்ஸ் ஜியோ விளம்பரத்தில் பிரதமர் மோடியின் புகைப்படம்: ரூ.500 அபராதம்!

ரிலையன்ஸ் ஜியோ நிறுவனத்தின் விளம்பரத்தில் பிரதமர் நரேந்திர மோடியின் புகைப்படத்தைப் பயன்படுத்தியதற்காக, அந்நிறுவனத்திற்கு ரூ.500 அபராதம் விதிக்கப்படலாம் என தகவல் வெளியாகியுள்ளது.

சில மாதங்கள் முன்பாக, 4ஜி சேவையை தொடங்கிய ரிலையன்ஸ் ஜியோ நிறுவனம், அதையொட்டி பல்வேறு பத்திரிகை மற்றும் ஊடகங்களில் விளம்பரம் செய்தது. அந்த விளம்பரங்களில் பிரதமர் மோடியின் புகைப்படம் இடம்பெற்றிருந்ததைக் கண்டு, நாடு முழுவதும் கண்டனம் எழுந்தது.

தனியார் நிறுவனத்தின் விளம்பரத்தில் பிரதமர் மோடியின் விளம்பரத்தை எவ்வாறு பயன்படுத்தலாம் என, பல்வேறு எதிர்க்கட்சிகளும் கேள்வி எழுப்பியதால், இந்த விவகாரம் சர்ச்சைக்குரியதாக மாறியது.

இத்தகைய சூழலில், தற்போது நடைபெற்று வரும் நாடாளுமன்ற குளிர்கால கூட்டத்தொடரில், மோடியின் புகைப்படத்தை ரிலையன்ஸ் ஜியோ பயன்படுத்தியது பற்றி சமாஜ்வாடி கட்சியின் எம்.பி., நீரஜ் சேகர், தகவல் மற்றும் ஒலிபரப்புத் துறை அமைச்சர் ராஜ்யவர்த்தன் சிங் ரத்தோரிடம் கேள்வி எழுப்பினார்.

இதற்கு எழுத்து மூலமாகப் பதில் அளித்த அமைச்சர், ஜியோ நிறுவனத்திற்கு அத்தகைய சிறப்பு அனுமதி ஏதும் வழங்கப்படவில்லை எனக் குறிப்பிட்டுள்ளார். பிரதமரின் புகைப்படத்தை அந்நிறுவனம் பயன்படுத்தும் என்பது பற்றி மத்திய அரசுக்கு முன்கூட்டியே தெரியாது என்றும் கூறியுள்ள ரத்தோர், ஜியோ நிறுவனத்தின்மீது சட்டப்படியான நடவடிக்கை எடுக்கப்படும் என்றும் தெரிவித்துள்ளார்.

இதன்படி, அரசு அதிகாரிகள் பெயர், புகைப்படம் மற்றும் அரசின் முத்திரையை தவறாகப் பயன்படுத்துவதை தடுக்கும் தண்டனைச் சட்டத்தின்கீழ் ஜியோ நிறுவனத்திற்கு, ரூ.500 அபராதம் விதிக்க மத்திய அரசு முடிவு செய்துள்ளதாகக் கூறப்படுகிறது.

English Summary :  jio could face rs 500 fine for using pm modis pic in ad

முகநூலில் எங்கள் செய்திகளை படிக்க க்ளிக் செய்யவும்


Loading...