News
Loading...

ஜெயலலிதா மர்ம மரணமா? : ஜெ., அண்ணன் மகன் பதில்

ஜெயலலிதா மர்ம மரணமா? : ஜெ., அண்ணன் மகன் பதில்

சென்னை : ஜெயலலிதா மரணத்தில் எந்தவித மர்மமும் இல்லை என்று ஜெயலலிதாவின் அண்ணன் மகன் தீபக் தெரிவித்துள்ளார்.

தமிழக முதல்வராக இருந்த ஜெயலலிதா கடந்த 5-ம் தேதி உடல்நலக்குறைவால் அப்பல்லோ மருத்துவமனையில் உயிரிழந்தார். ஜெ., சாவில் மரணம் இருப்பதாக சில அரசியல் தலைவர்களும் ,நெட்டிசங்களும் கூறிவந்தனர். தமிழக ஏதிர்கட்சி தலைவர் ஸ்டாலின் உட்பட சிலர் ஜெ., மரணம் குறித்து வெள்ளை அறிக்கை வெளியிட வேண்டும் என்று கூறியிருந்தனர்.

இந்தநிலையில் பிரபல தொலைக்காட்சி ஒன்றிற்கு ஜெ.,வின் அண்ணன் மகன் தீபக் பேட்டி அளித்திருந்தார். அந்த பேட்டியில், "அத்தை ஜெயலலிதா அப்பல்லோ மருத்துவமனையில் அனுமதிக்கபட்டிருக்கும் போது நானும் அங்கு 70 நாட்கள் தங்கியிருந்தேன். அத்தைக்கு அளிக்கப்பட்ட சிகிச்சைகள் தொடர்பாக நானும் , சசி அத்தையும் தான் கையெழுத்திட்டோம்.

அப்பல்லோ மருத்துவமனையில் அனுமதிக்கப்பட்ட அத்தைக்கு அப்பல்லோ மருத்துவர்கள், எய்ம்ஸ் மருத்துவர்கள் , ரிச்சர்டு பிலே ஆகியோர் சிகிச்சை அளித்தனர்.சிகிச்சைக்கு பின்பு உடல்நிலை தேறிய நிலையில் அத்தை அதிகாரிகளுடன் பேசினார். தொடர்ந்து பல்வேறு தலைவர்கள் அப்பல்லோ மருத்துவமனைக்கு வந்து விசாரித்து சென்றனர்.

எனக்கு தெரிந்த வகையில் அத்தைக்கு கார்டியாக் அரஸ்ட் வந்த அன்றைய தினம் 3.30 மணி வரை அவர் நலமாக தான் இருந்தார். எனவே ஜெயலலிதாஅத்தை மரணத்தில் எந்தவித மர்மமும் இருக்க வாய்ப்பில்லை" என்று தீபக் தெரிவித்துள்ளார்.

முகநூலில் எங்கள் செய்திகளை படிக்க க்ளிக் செய்யவும்