News
Loading...

ஜெயலலிதா மரணம்: வெள்ளை அறிக்கை கேட்கிறார் மு.க. ஸ்டாலின்

ஜெயலலிதா மரணம்: வெள்ளை அறிக்கை கேட்கிறார் மு.க. ஸ்டாலின்

த்திய, மாநில அரசுகள் மறைந்த முதல்வர் ஜெயலலிதாவுக்கு அளித்த மருத்துவ சிகிச்சைகள் குறித்து வெள்ளை அறிக்கை வெளியிட வேண்டும் என்று திமுக பொருளாளரும், எதிர்க்கட்சித் தலைவருமான மு.க.ஸ்டாலின் இன்று வலியுறுத்தியுள்ளார்.

தமிழக முதல்வர் ஜெயலலிதா கடந்த 5ஆம் தேதி மாரடைப்பால் காலமானார் என்று, அவர் அனுமதிக்கப்பட்டு இருந்த அப்பல்லோ மருத்துவமனை செய்தி வெளியிட்டது. இதையடுத்து இவரது மரணத்தில் மர்மம் உள்ளது என்றும் அதுகுறித்த வெள்ளை அறிக்கை வெளியிட வேண்டும் என்று பாமக தலைவர் ராமதாஸ் கேட்டு இருந்தார்.

இன்று திமுக பொருளாளரும், எதிர்கட்சித் தலைவருமான ஸ்டாலினும் இதே கோரிக்கையை வலியுறுத்தியதாக ஏஎன்ஐ செய்தி நிறுவனம் செய்தி வெளியிட்டுள்ளது.

இதற்கிடையே மு.க. ஸ்டாலின் தனது இன்றைய பேஸ்புக் பதிவில், ‘’அம்மையார் ஜெயலலிதா அவர்களின் மரணம் குறித்து எழுந்து வரும் சந்தேகங்கள் குறித்து பத்திரிகையாளர்கள் கேட்ட போது, "அதனை திராவிட முன்னேற்ற கழகம் அரசியலாக்க விரும்பவில்லை, கடந்த செப்டம்பர் மாதம் 22 ஆம் தேதி உடல்நலக் குறைவால் அப்பல்லோ மருத்துவமனையில் சேர்க்கப்பட்ட அம்மையார் ஜெயலலிதாவிற்கு அளிக்கப்பட்ட சிகிச்சைகள் குறித்து பல்வேறு தரப்பினர் தெரிவிக்கும் மாறுபட்ட செய்திகள் தொடர்ந்து வெளி வந்து கொண்டிருக்கின்றன. இதுபற்றி உச்சநீதிமன்றத்தில் கூட வழக்கு தொடுக்கப்பட்டுள்ளது. தமிழக முதல்வராக இருந்தவரின் மருத்துவ சிகிச்சை குறித்து எழுந்துள்ள இந்த சர்ச்சை பற்றி தமிழக அரசு எந்த தன்னிலை விளக்கத்தையும் இதுவரை கொடுக்கவில்லை. என்னைப் பொறுத்தமட்டில் வெளிவந்து கொண்டிருக்கும் செய்திகள் உண்மையாக இருந்து விடக் கூடாது என்று தான் விரும்புகிறேன். அதே நேரத்தில், மத்திய அரசின் கீழ் உள்ள டெல்லி எய்ம்ஸ் மருத்துவர்கள் அம்மையார் ஜெயலலிதாவுக்கு சிகிச்சை அளித்துள்ள நிலையில், ஒருவேளை தமிழக அரசு தனது பொறுப்பில் இருந்து தவறும் பட்சத்தில், மத்திய அரசாவது உண்மை நிலையை நாட்டு மக்களுக்கு தெளிவுபடுத்த வேண்டும் என்பதே எனது கருத்து என்று பதிலளித்தேன்’’
என்று தெரிவித்துள்ளார்.

முகநூலில் எங்கள் செய்திகளை படிக்க க்ளிக் செய்யவும்