News
Loading...

ஜெ., அடையாளம் காட்டிய ஓ.பி.எஸ்., தான் தலைமை : நடிகர் தீபன்!

ஜெ., அடையாளம் காட்டிய ஓ.பி.எஸ்., தான் தலைமை : நடிகர் தீபன்!

ஜெயலலிதா அடையாளம் காட்டிய முதல்வர் ஓ பன்னீர் செல்வம் தான் அதிமுகவுக்கு தலைமை என எம்ஜிஆரின் உறவினரும் நடிகருமான தீபன் தெரிவித்துள்ளார்.

மறைந்த முதல்வர் எம்.ஜி.ஆர்., நினைவு தினத்தை முன்னிட்டு அவரது நினைவிடத்தில் முன்னாள் முதல்வர் ஜானகி எம்.ஜி.ஆர்., உறவினர்கள் மலர் அஞ்சலி செலுத்தினர். 

அப்போது ஜானகி எம்.ஜி.ஆர்., உறவினர் தீபன் கூறுகையில், " எம்.ஜி.ஆர்., புகழ் என்றும் அழியாது. வரும் 17ல் எம்.ஜி.ஆர்., நூற்றாண்டு விழா வருகிறது. அதை சிறப்பாக நடத்தப்பட வேண்டும் என முதல்வர் பன்னீர் செல்வம், பிரதமர் மோடி ஆகியோரை கேட்டுக்கொள்கிறேன்.

அண்ணா நூற்றாண்டு விழாவின் போது மத்திய அரசு காயின் ரிலீஸ் செய்தார்கள். அதேபோல எம்.ஜி.ஆர்.,க்கும் காயின் ரிலீஸ் செய்ய வேண்டும் என கோரிக்கை வைத்திருக்கிறோம்.

ஜெயலலிதா அம்மா இருந்த போது விழாவை சிறப்பாக நடத்துகிறேன் என சொல்லியிருந்தார். அவர் இப்போது இல்லை ஆனாலும் அவரால் அடையாளம் காட்டப்பட்ட ஓ.பன்னீர் செல்வம் முதல்வராகியுள்ளார். அவர் விழாவை சிறப்பாக நடத்துவார்கள் என நம்புகிறோம்.

புரட்சி தலைவருக்கு பின் ஜெயலலிதா அம்மாவை எப்படி மக்கள் ஏற்றுக் கொண்டார்களோ, அதேபோல அவரால் அடையாளம் காட்டப்பட்ட ஓ.பன்னீர் செல்வம் கட்சியை வழி நடத்தவேண்டும். அவருக்கு மட்டும்தான் அந்த திறமை உள்ளது.," என்றார்.

முகநூலில் எங்கள் செய்திகளை படிக்க க்ளிக் செய்யவும்


Loading...