News
Loading...

விபத்து ஏற்படாமல் இருக்க ஆடு பலி கொடுத்து விமானம் ஒட்டிய அதிகாரிகள்

விபத்து ஏற்படாமல் இருக்க ஆடு பலி கொடுத்து விமானம் ஒட்டிய அதிகாரிகள்

ஸ்லாமாபாத்: விமானம் விபத்து ஏற்படாமல் இருக்க, ஆடு வெட்டி பாகிஸ்தான் விமான நிலைய அதிகாரிகள் திஷ்டி கழித்தனர்.

பாகிஸ்தான் நாட்டில் விமான சேவையான, ’பாகிஸ்தான் ஏர்லைன்ஸ்’ கடந்த 10 ஆண்டுகளாக விபத்தில்லா சேவையை வழங்கி வந்தது. இந்நிலையில் கடந்த 7ஆம் தேதி, பி.கே.661 ரக விமானம் ஒன்று ஹவேலியன் கிராமத்தில் விழுந்து விபத்திற்குள்ளானது. இந்த சம்பவத்தில் 2 குழந்தைகள், 9 பெண்கள் உள்பட விமானத்தில் பயணம் செய்த 47 பயணிகளும் பலியாகி விட்டனர்.

இந்த சம்பவம் பாகிஸ்தான் ஏர்லைன்ஸ் சேவைக்கு களங்கம் விளைவித்தது. இதனைத் தொடர்ந்து, அந்நிறுவனத்தின் அனைத்து விமானங்களும் தீவிர சோதனைக்கு உட்படுத்தப்பட்டது. பல்வேறு சோதனைகளுக்கு பின் மீண்டும் இயக்க திட்டமிடப்பட்டது. இந்நிலையில் விமானம் விபத்துக்கு உள்ளாகாமல் இருக்க ஆடு பலி கொடுக்க ஏற்பாடு செய்யப்பட்டது.

அதன்படி விமான நிலைய அதிகாரிகள் கருப்பு ஆட்டை, விமான ஓடுதளத்தில் வைத்து, கழுத்தை அறுத்து பலி கொடுத்தனர். இதன்மூலம் இனி எல்லாம் நன்றாகவே நடக்கும் என்று நம்புகின்றனர். இந்த புகைப்படம் தற்போது சமூகவலைத்தளங்களில் வைரலாக பரவி வருகிறது.

முகநூலில் எங்கள் செய்திகளை படிக்க க்ளிக் செய்யவும்