News
Loading...

சிம்பு படத்துக்கு தடை கோரி வழக்கு

சிம்பு படத்துக்கு தடை கோரி வழக்கு

சென்னை: சிம்பு நடித்து வரும் 'அன்பானவன் அசராதவன் அடங்காதவன்' படத்துக்கு தடை கோரி உயர்நீதிமன்றத்தில் வழக்கு தொடரப்பட்டுள்ளது.

இயக்குனர் ஆதிக் ரவிசந்தர் இயக்கத்தில் உருவாகி வரும் இப்படத்தை மைக்கேல் ராயப்பன் தயாரித்து வருகிறார். இந்நிலையில், 'அன்பானவன் அடங்காதவன் அசராதவன்' படத்துக்கு தடை கோரி உயர்நீதிமன்றத்தில் மனு தாக்கல் செய்யப்பட்டுள்ளது.

சிம்பு படத்தின் தயாரிப்பாளர் மைக்கேல் ராயப்பன் ரூ.25 லட்சம் தரவில்லை என பைனான்சியர் ரமேஷ் என்பவர் வழக்குத் தொடர்ந்துள்ளார். அவரது மனுவில், பணத்தை திரும்பித் தரும் வரை சிம்பு படத்தை வெளியிட தடை விதிக்க வேண்டும் என்று குறிப்பிட்டுள்ளார்.

இம்மனுவை விசாரித்த சென்னை உயர்நீதிமன்ற நீதிபதிகள், இந்த புகார் தொடர்பாக வருகிற டிச.23 ஆம் தேதிக்குள் மைக்கேல் ராயப்பன் பதிலளிக்குமாறு உத்தரவிட்டு வழக்கு விசாரணையை ஒத்திவைத்தனர்.

யுவன் ஷங்கர் ராஜா இசையமைத்துள்ள இப்படத்தின் பாடல்கள் விரைவில் வெளியாகவுள்ள நிலையில், இந்த தடைக் கோரிய வழக்கு தொடரப்பட்டுள்ளது குறிப்பிடத்தக்கது.

முகநூலில் எங்கள் செய்திகளை படிக்க க்ளிக் செய்யவும்