News
Loading...

மறைந்த பத்திரிகையாளர் சோவிற்கு பிரதமர் மோடி இரங்கல்

மறைந்த பத்திரிகையாளர் சோவிற்கு பிரதமர் மோடி இரங்கல்

றைந்த பத்திரிகையாளர் சோவிற்கு பிரதமர் மோடி இரங்கல் தெரிவித்துள்ளார்.

துக்ளக் இதழின் ஆசிரியரும், அரசியல் ஆலோசகரும், பழம்பெரும் நடிகருமான ’சோ’ உடல்நலக்குறைவு காரணமாக, சென்னை அப்பலோ மருத்துவமனையில் இன்று காலமானார். அவரது உடல் எம்.ஆர்.சி நகரில் உள்ள இல்லத்தில் அஞ்சலிக்காக வைக்கப்பட்டுள்ளது. இன்று மாலை 4 மணியளவில் பெசன்ட் நகர் மின் மயானத்தில் இறுதிச்சடங்குகள் நடைபெறும் என்று தெரிவிக்கப்பட்டுள்ளது. இந்நிலையில் ஏராளமானோர் அவரது உடலுக்கு அஞ்சலி செலுத்தி வருகின்றனர்.

’சோ’ மறைவிற்கு டிவிட்டரில் இரங்கல் செய்தி வெளியிட்டுள்ள பிரதமர் மோடி, வெளிப்படை தன்மையுடன் பழகக்கூடியவர் என்றும், சிறந்த அறிவாளி என்றும் குறிப்பிட்டுள்ளார். அவர் சிறந்த தேசியவாதி, பன்முகத் தன்மை கொண்டவர், அச்சமின்றி பேசக்கூடியவர் என்றும் புகழாரம் சூட்டியுள்ளார். எல்லாவற்றிற்கும் மேலாக சோ ராமசாமி தனது நெருங்கிய நண்பர் என்றும் கூறியுள்ளார். சோவை இழந்து வாடும் அவரது குடும்பத்தினருக்கும், துக்ளக் வாசகர்களுக்கும் ஆழ்ந்த இரங்கல் தெரிவிப்பதாக பதிவுட்டுள்ளார்.

சோவின் உடலுக்கு பாரதிராஜா, எஸ்.வி.சேகர், ஒய்.ஜி.மகேந்திரன், ஆடிட்டர் குருமூர்த்தி, ஏ.வி.எம்.சரவணன், நடிகர் நெப்போலியன், மு.க.அழகிரி, சாஸ்த்ரா பல்கலைக்கழக தலைவர் சேதுராமன் உள்ளிட்டோர் நேரில் வந்து அஞ்சலி செலுத்தினர். தொடர்ந்து ஏராளமானோர் அஞ்சலி செலுத்தி வருகின்றனர்.


முகநூலில் எங்கள் செய்திகளை படிக்க க்ளிக் செய்யவும்


Loading...