News
Loading...

மயிலாப்பூர் லாட்ஜில் இளம்பெண் ஏமாற்றப்பட்டு, கொலை: காதலன் கைது

மயிலாப்பூர் லாட்ஜில் இளம்பெண் ஏமாற்றப்பட்டு, கொலை: காதலன் கைது

சென்னை: மயிலாப்பூர் லாட்ஜில் இளம்பெண் ஏமாற்றப்பட்டு, கொலை செய்யப்பட்ட சம்பவத்தில் காதலன் கைது செய்யப்பட்டார்.

சென்னை மயிலாப்பூர் பி.வி.கோவில் தெருவைச் சேர்ந்தவர் நிவேதா(22). இவர் கடந்த 14ஆம் தேதி மாயமானதாக காவல்நிலையத்தில் புகார் தெரிவிக்கப்பட்டது. இதுகுறித்து மயிலாப்பூர் காவல்துறை ஆய்வாளர் ரவிகுமார் தனிப்படை அமைத்து விசாரணை மேற்கொண்டார். இந்நிலையில் மயிலாப்பூரில் உள்ள தனியார் லாட்ஜில் பூட்டிய அறையில் பிணமாக பெண்ணின் உடல் கண்டெடுக்கப்பட்டது. விசாரணையில் அப்பெண் நிவேதா என்று தெரியவந்தது.

இதையடுத்து பிரேத பரிசோதனைக்காக ராயப்பேட்டை அரசு மருத்துவமனைக்கு உடல் அனுப்பி வைக்கப்பட்டது. லாட்ஜில் விசாரித்ததில், அந்த அறை கேரளாவைச் சேர்ந்த ஹரீஷ் என்ற பெயரில் பதிவு செய்யப்பட்டுள்ளது. மேலும் கண்காணிப்பு கேமராக்கள், நிவேதாவின் செல்போன் ஆகியவற்றை ஆய்வு செய்தனர். இதையடுத்து ஹரீஷ் என்ற பெயரில் ஏமாற்றிய சுரேஷ்குமாரை, செல்போன் டவர் மூலம் கண்காணித்து, மயிலாப்பூர் ரயில் அருகே கைது செய்தனர்.

இதனைத் தொடர்ந்து அவரிடம் மேற்கொண்ட விசாரணையில், இருவரும் காதலித்து வந்ததாக கூறினார். மேலும் மயிலாப்பூரில் உள்ள லாட்ஜில் இருவரும் உல்லாசமாக இருந்ததாகவும், பின்னர் தன்னுடைய நண்பருடன் உல்லாசமாக நிவேதா மறுத்ததாகவும் தெரிவித்தார். அப்போது அவர் கூச்சலிடாமல் இருக்க கழுத்தை நெரித்ததில் உயிரிழந்து விட்டதாக குறிப்பிட்டார்.

முகநூலில் எங்கள் செய்திகளை படிக்க க்ளிக் செய்யவும்


Loading...