News
Loading...

11 பேரை திருமணம் செய்து கோடிகணக்கில் பணம், நகையை சுருட்டிய பெண் கைது

11 பேரை திருமணம் செய்து கோடிகணக்கில் பணம், நகையை சுருட்டிய பெண் கைது

கொச்சி : 11 பேரை திருமணம் செய்து, ஒருவருடன் அதிகபட்சம் 20 நாட்கள் மட்டும் தங்கி கோடிக்கணக்கில் பணம் மற்றும் நகையை சுருட்டிய பெண்ணை போலீஸார் கைது செய்துள்ளனர்.

மேகா பார்கவ் என்ற பெண் இதுவரை பல்வேறு மாநிலங்களைச் சேர்ந்த ஜெயின் சமூகத்தை சேர்ந்த 11 நபர்களை திருமணம் செய்து அவர்களுடன் அதிகபட்சம் 20 நாட்கள் மட்டும் தங்கியுள்ளார். பின் ஒவ்வொருவரிடமும் ஒவ்வொரு காரணம் சொல்லி சொந்த ஊருக்கு சென்று பெற்றோருடன் வருவதாக குறி விட்டு தலைமறைவாகியுள்ளார்.

கொச்சி, காலூரை சேர்ந்த வைடில்லா என்பவர் போலீஸில் கொடுத்த புகாரின் அடிப்படையில் விசாரணை நடத்தியதில், இதே போல பலர் கொடுத்த புகார் ஒத்து வந்தது. கொச்சி போலீஸார் இதே போன்ற வழக்கில் மேக்னா என்ற 27 வயதான பெண்ணை தேடி வந்ததர். கொச்சி போலீஸார், நொய்டாவில் இருந்த மேக்னாவை, உத்தர பிரதேச மாநில போலீஸாரின் துணையுடன் கைது செய்தனர்.

மேக்னாவை விசாரணை செய்ததில் பல உண்மைகள் வெளிவந்தது. ஜெய்ன் சமூகத்தை சேர்ந்த மேட்ரிமோனியில் பதிந்துள்ள பணக்காரராகவும், உடல் ஊனமுள்ள நபர்களை தேர்வு செய்து அவர்களிடம் நான் மிகவும் ஏழ்மையான குடும்பத்தை சேர்ந்தவர். எனக்கு பண உதவி செய்யுங்கள் அவ்வாறு செய்தால் நான் திருமணம் செய்துகொள்கிறேன் என கூரி கிட்டத்தட்ட 11 பேரை ஏமாற்றி அவர்களிடம் உள்ள பணத்தையும், நகையையும் சுருட்டிக்கொண்டு மாயமாகியுள்ளார்.

திருமணம் செய்து வெறும் 20 நாட்களில் அவர்களை விட்டு பிரிந்துள்ளார். அதோடு திருமணம் செய்துகொண்டவருடன் ஏதேனும் ஒரு காரணம் கூறி அவருடன் உடலுறவு வைக்காமல் இருந்ததாகவும் தெரியவந்துள்ளது.

இதுபோன்று ஏமாற்றப்பட்டவர்களிடமிருந்து கோடி கணக்கில் பணம் மற்றும் தங்க நகைகளை சுருட்டியுள்ளார்.

மேக்னா திருமணம் செய்தவர்களின் பட்டியல்:

2012ம் ஆண்டு ராஜ்பூரை சேர்ந்த ராஜேஷ் கோபிந்த் என்ற நபரை திருமணம் செய்து ரூ. 90 லட்சம் ஏமாற்றியுள்ளார்.

2014ல் குஜராத்தை சேர்ந்த ஹேமந்த் குமாரை திருமணம் செய்து 13 லட்சத்தை பறித்துள்ளார்.

2015ல் ஜோத்பூரை சேர்ந்த சந்தேஷ் சோப்ராவை திருமணம் செய்து 15 லட்சம் ஏமாற்றியுள்ளார்.

அதே வருடம் கொச்சி,காலூரை சேர்ந்த வைடில்லாவை திருமணம் செய்துகொண்டுள்ளார்.

குஜராத்தை சேர்ந்த அருண்குமார் என்பவரையும், மேலும் ஒருவரையும் திருமணம் செய்து 10 லட்சம் ஏமாற்றியுள்ளார்.

கைது செய்யப்பட்ட மேக்னா நீதிமன்ற சிறையில் 14 நாட்கள் அடைத்து விசாரணை நடத்திவருகின்றனர்.

முகநூலில் எங்கள் செய்திகளை படிக்க க்ளிக் செய்யவும்


Loading...