News
Loading...

போலி விளம்பர குற்றச்சாட்டு: பதஞ்சலி நிறுவனத்திற்கு ரூ.11 லட்சம் அபராதம்!

போலி விளம்பர குற்றச்சாட்டு: பதஞ்சலி நிறுவனத்திற்கு ரூ.11 லட்சம் அபராதம்!

போலி விளம்பரம் செய்த புகாரின்பேரில், பாபா ராம்தேவுக்குச் சொந்தமான பதஞ்சலி நிறுவனத்திற்கு ரூ.11 லட்சம் அபராதம் விதித்து, ஹரித்துவார் நீதிமன்றம் உத்தரவிட்டுள்ளது.

யோகா சாமியார் பாபா ராம்தேவ், பதஞ்சலி என்ற பெயரில் பல்வேறு மூலிகை, ஆயுர்வேத பொருட்களை தயாரித்து, இந்திய அளவில் விற்பனை செய்துவருகிறார். இந்த நிறுவனம், இந்திய அளவில் அன்றாட பயன்பாட்டுப் பொருட்கள் சந்தையில் உள்ள முன்னணி நிறுவனங்களில் ஒன்றாக உருவெடுத்துள்ளது.

இந்நிலையில், தனது தொழிற்சாலையில் தயாரிக்காமல் வேறு நிறுவனத்திடம் இருந்து இறக்குமதி செய்த கடுகு எண்ணெய், அன்னாசிப் பழக்கூழ் உள்ளிட்ட சில பொருட்களை பதஞ்சலி விற்பதாகக் கூறப்படுகிறது. எனினும், இந்த உண்மையை ஒப்புக் கொள்ளாமல், குறிப்பிட்ட பொருட்கள் அனைத்தும் தனது தொழிற்சாலைகளில் தயாரிக்கப்படுவதாகக் கூறி, பதஞ்சலி நிறுவனம் வட இந்தியாவில் பல்வேறு விளம்பரங்களையும் செய்துவருகிறது.

இதன்மீதான குற்றச்சாட்டில், போலி விளம்பரம் செய்வதைக் கண்டித்து, பதஞ்சலி நிறுவனத்திற்கு ரூ.11 லட்சம் அபராதம் விதித்து, ஹரித்துவார் நீதிமன்றம் உத்தரவிட்டுள்ளது.

முகநூலில் எங்கள் செய்திகளை படிக்க க்ளிக் செய்யவும்