News
Loading...

பதுக்கி வைக்கப்பட்ட 4 கோடி புதிய ரூபாய் நோட்டுகள்: அள்ளிச் சென்ற வருமான வரித்துறை

பதுக்கி வைக்கப்பட்ட 4 கோடி புதிய ரூபாய் நோட்டுகள்: அள்ளிச் சென்ற வருமான வரித்துறை

பெங்களூரு: பொறியாளர் மற்றும் ஒப்பந்ததாரர் ஆகியோரின் வீடுகளில் இருந்து ரூ.4 கோடி புதிய ரூபாய் நோட்டுக்களை வருமான வரித்துறையினர் பறிமுதல் செய்தனர்.

கர்நாடக மாநிலம் பெங்களூருவில் உள்ள கட்டட பொறியாளர் மற்றும் ஒப்பந்ததாரர் வீடுகளில் புதிய ரூபாய் நோட்டுக்கள் பதுக்கி வைக்கப்பட்டிருப்பதாக வருமான வரித்துறையினருக்கு ரகசிய தகவல் கிடைத்தது. இதையடுத்து இருவரது வீடுகளிலும் சோதனை நடத்தப்பட்டது. அப்போது முறைகேடாக பதுக்கி வைக்கப்பட்டிருந்த ரூ.4 கோடி மதிப்பிலான ரூ.2000 நோட்டுக்கள் இருப்பது தெரியவந்தது.

மேலும் ரூ.100 மற்றும் ரூ.500 நோட்டுக்களும், தங்க கட்டிகளும் இருந்தன. இதனை பறிமுதல் செய்து, இருவரையும் காவல்துறையினர் கைது செய்தனர். இந்த சம்பவம் குறித்து, தீவிர விசாரணை மேற்கொண்டு வருகின்றனர். கடந்த 8ஆம் தேதி அறிவிப்பு வெளியானதற்கு பிறகு, மிகப்பெரிய அளவில் பணம் கைப்பற்றப்படுவது இதுவே முதல் முறை என்று வருமான வரித்துறையினர் தெரிவித்தனர்.

English Summary : Rs 4 crore new rupee notes raided by income tax dept in Bangalore.

முகநூலில் எங்கள் செய்திகளை படிக்க க்ளிக் செய்யவும்


Loading...