News
Loading...

நடைபாதை சிறுமிகளை சீரழிக்கும் காமுகர்கள் : அதிர்ச்சி அளிக்கும் ஆய்வறிக்கை..!

நடைபாதை சிறுமிகளை சீரழிக்கும் காமுகர்கள்:அதிர்ச்சி அளிக்கும் ஆய்வறிக்கை..!

டைபாதையில் வசிக்கும் குழந்தைகளின் வாழ்க்கை நிலை குறித்து பல அதிர்ச்சித் தகவல்கள் வெளியாகியுள்ளன.

ஜாதவ்பூர் பல்கலைகழகத்தைச் சேர்ந்த பேராசிரியர் சுனிதா மாண்டேல் என்பவர் நடைபாதையில் வசிக்கும் குழந்தைகள் குறித்த ஆய்வு ஒன்றை மேற்கொண்டார். இந்த ஆய்வில் அந்த குழந்தைகள் சந்திக்கும் பல்வேறு பிரச்சனைகள் வெளிச்சம் போட்டு காட்டப்பட்டுள்ளன.

நடைபாதையில் வசிக்கும் பல குழந்தைகள் பாலியல் வல்லுறவுக்கு உள்ளாக்கப்பட்டுள்ளதால், அவர்களில் கணிசமானோர் ஹெச்.ஐ.வியினால் பாதிக்கப்பட்டுள்ளனர்.

பணத்திற்காக நடைபாதை சிறுமிகள் விபச்சாரத்தில் ஈடுபடுகின்றனர். இன்னும் கல்லூரிக்குள் நுழையாத, பணக்கார வீட்டு சிறுவர்கள் தான் இவர்களின் வாடிக்கையாளர்கள்.

இந்த ஆய்வானது வீடில்லாமல், நடைபாதையில் வசிக்கும் 150 சிறுவர், சிறுமிகளிடம் எடுக்கப்பட்டுள்ளது. இவர்கள் பெரும்பாலானோர் 9 முதல் 14 வயதைச் சேர்ந்தவர்கள். நடைபாதையில் வசிக்கும் சிறுமிகள் மட்டுமல்லாது, சிறுவர்களும் பாலியல் வல்லுறவுக்கு உட்படுத்தப்படுகிறார்களாம். குறிப்பாக இந்த சிறுவர்கள் ஓரினச் சேர்க்கை ஆபாசப் படம் எடுக்க பயன்படுத்தப்படுகிறார்களாம்.

தாங்கள் வசிக்கும் பகுதியில் காலையில் ஸ்கூல் பேக்குடன் பள்ளிக்குச் செல்லும் சிறுவர்கள்தான், இரவில் காரில் வந்து தங்களை பாலியல் உறவுக்கு அழைப்பதாக பெரும்பாலான நடைபாதைச் சிறுமிகள் தெரிவித்துள்ளனர்.

ஆணுறை அணியாமல் உறவு கொண்டால் ஹெச்.ஐ.வி தாக்குதலுக்கு உள்ளாவோம் என்பது அந்த சிறுமிகளுக்கு நன்றாகவே தெரிந்துள்ளது. இருப்பினும் தங்களுடன் உறவு கொள்ளும் ஆண்களை ஆணுறை அணிய வேண்டாம் என அந்த சிறுமிகள் வற்புறுத்துகின்றனர். ஏன் தெரியுமா? தங்களை பாலியல் வல்லுறவுக்கு ஆட்படுத்தும் நபர்களுக்கு ஹெச்.ஐ.வி தொற்று வர வேண்டும் என அவர்கள் பழிக்குப் பழி வாங்குகிறார்களாம். ”நாங்கள் மட்டும் ஏன் தனியாக சாக வேண்டும்? எங்களை இந்த நிலைக்கு ஆளாக்கிய அனைவரையும், நாங்கள் எங்களோடு அழைத்துச் செல்வோம்.” என கூறுகிறார்களாம்.

முகநூலில் எங்கள் செய்திகளை படிக்க க்ளிக் செய்யவும்