News
Loading...

ரொக்கமில்லா பரிவர்த்தனை: இந்தியாவுக்கு வழிகாட்டும் 5 நாடுகள்

ரொக்கமில்லா பரிவர்த்தனை: இந்தியாவுக்கு வழிகாட்டும் 5 நாடுகள்

பிரதமர் நரேந்திர மோடி பழைய 500, 1000 ரூபாய் நோட்டுகளை நவ. 8, 2016 அன்று செல்லாது என்று அறிவித்தார். அதற்குப் பிறகு, ரொக்கமில்லா பரிவர்த்தனைக்கு நாட்டு மக்கள் மாற வேண்டும் என்று பிரதமர் மோடியும் மத்திய அமைச்சர்களும் தொடர்ந்து கூறிவருகிறார்கள். இந்நிலையில், ரொக்கமில்லா பரிவர்த்தனை செய்வதில் இந்தியாவுக்கு வழிகாட்டும் 5 நாடுகள் பற்றி இந்தத் தொகுப்பில் அறியலாம்.

சிங்கப்பூரில் 61 சதவீதத்தினர் ரொக்கமில்லா பரிவர்த்தனையை பயன்படுத்தி வருகிறார்கள்.

நெதர்லாந்தில் ரொக்கமில்லா பரிவர்த்தனை மூலம் தான் 60 சதவீத பணம் புழக்கத்தில் உள்ளது.

பிரான்ஸ் நாட்டில் 59 சதவீத மக்கள் ரொக்கமில்லா பரிவர்த்தனையை கைக்கொண்டுள்ளனர்.

ஜெர்மனியில் ரொக்கமில்லா பரிவர்த்தனையை அந்நாட்டு அரசு ஊக்குவித்து வருகிறது. அந்நாட்டு மக்கள் ரொக்கமில்லா பரிவர்த்தனைக்கு மாறத் தொடங்கிவிட்டனர். 33 சதவீத மக்கள் அந்நாட்டில் ரொக்கத்தை புறக்கணிக்கிறார்கள்.

ஆஸ்திரேலியாவில் ரொக்கமில்லா பரிவர்த்தனையை பயன்படுத்துபவர்கள் சுமார் 35 சதவீதம். அந்நாட்டிலும் ரொக்கமில்லா பரிவர்த்தனை மீது மக்களது கவனம் அதிகரிக்கத் தொடங்கியுள்ளது.

ரொக்கமில்லா பரிவர்த்தனையை அதிகம் பயன்படுத்தும் இதுபோன்ற நாடுகளுக்கு சுற்றுலாப் பயணிகள் வருகை அதிகரிக்கவும் வாய்ப்பு உண்டு. அந்நாட்டுகளுக்குச் செல்லும் சுற்றுலாப் பயணிகள் தங்கள் நாட்டுப்பணத்தை அந்நாட்டுப் பணமாக மாற்றி பயன்படுத்த அவசியமில்லை. நேரடியாகவே, ஈ-வாலட் மூலம் பண பரிவர்த்தனையை செய்ய முடியும்.

முகநூலில் எங்கள் செய்திகளை படிக்க க்ளிக் செய்யவும்


Loading...