News
Loading...

ரொக்கமில்லா பரிவர்த்தனைக்காக இலவச இன்டர்நெட்: ட்ராய் பரிந்துரை

ரொக்கமில்லா பரிவர்த்தனைக்காக இலவச இன்டர்நெட்: ட்ராய் பரிந்துரை

டெல்லி: ரொக்கமில்லா பரிவர்த்தனையை ஊக்குவிக்க இலவச இன்டர்நெட் சேவையை அளிக்க வேண்டும் என்று தொலைத்தொடர்பு ஒழுங்குமுறை ஆணையம் பரிந்துரைத்துள்ளது.

500 மற்றும் 1000 ரூபாய் நோட்டுகள் செல்லாது என்று அறவிக்கபட்ட பின் ரொக்கமில்லா பரிவர்த்தனையை மத்திய அரசு ஊக்குவித்து வருகிறது. அதற்காக, நிதியமைச்சகமும் தகவல் தொழில்நுட்ப அமைச்சகமும் இணைந்து தேசிய அளிவிலான பயிலரங்கு ஒன்றை டெல்லியில் நடத்த திட்டமிட்டுள்ளது. மேலும், நாடு முழுவதும் ஒரு கோடி பேருக்கு ரொக்கமில்லா பரிவர்த்தனை மேற்கொள்வது பற்றி கற்பிக்கும் திட்டத்தையும் நடைமுறைப்படுத்தவுள்ளது.

இந்நிலையில், மத்திய அரசு வலியுறுத்தும் ரொக்கமில்லா பரிவர்த்தனையை புறநகர் மற்றும் கிராமங்களில் வசிக்கும் மக்களும் பயன்படுத்த முன்வர வேண்டுமானால் இலவச இன்டர்நெட் சேவை அளிக்க வேண்டும் என்று தொலைத்தொடர்பு ஒழுங்குமுறை ஆணையம் (TRAI) கூறியுள்ளது. கிராம மக்களுக்கு தொலைத்தொடர்பு நிறுவனங்கள் குறிப்பிட்ட அளவு டேட்டாவை இலவசமாக அளிக்க வேண்டும் என்றும அந்நிறுவனம் பரிந்துரை செய்துள்ளது.

முகநூலில் எங்கள் செய்திகளை படிக்க க்ளிக் செய்யவும்