News
Loading...

காரில் வைத்து இளம்பெண் கற்பழிப்பு : ஓட்டுநர் கைது..!

காரில் வைத்து இளம்பெண் கற்பழிப்பு : ஓட்டுநர் கைது..!

டெல்லியில் காரில் வைத்து இளம்பெண்ணை கற்பழித்த ஓட்டுநர் கைது செய்யப்பட்டுள்ளான்.

நொய்டாவைச் சேர்ந்த 20 வயது இளம்பெண் ஒருவர் டெல்லியில் வேலைக்காண நேர்காணல் ஒன்றுக்கு வந்துள்ளார். நேர்காணல் முடிந்ததும் வீட்டிற்கு செல்வதற்காக பேருந்து நிலையத்தில் காத்திருந்துள்ளார். அப்போது அந்த வழியாக வந்த கார் டிரைவர் ஒருவர், அந்த பெண்ணை வீட்டில் இறக்கிவிடுவதாக தெரிவித்துள்ளார். அந்த காரில் உள்துறை அமைச்சகத்தின் ஸ்டிக்கரும் ஒட்டியிருந்துள்ளது.

இதனை நம்பிய அந்த பெண் காரில் ஏறியுள்ளார். ஆனால் அந்த இளம்பெண்ணின் வீட்டிற்கு காரை செலுத்தாமல், ஆள் நடமாட்டம் இல்லாத பகுதியில் ஓட்டுநர் காரை நிறுத்தியுள்ளார். பின்னர் காருக்குள் வைத்து அந்த இளம்பெண்ணை பாலியல் பலாத்காரம் செய்துள்ளார்.

இதனால் அதிர்ச்சியில் உறைந்த அந்த இளம்பெண், தன்னை காப்பாற்றுமாறு கூச்சலிட்டுள்ளார். அப்பகுதியில் ரோந்து வந்த காவல்துறை வாகனம் ஒன்று, இளம்பெண்ணின் சத்தத்தை கேட்டு அந்த பகுதிக்கு வந்துள்ளது. இதனால் பயந்து போன கார் ஓட்டுநர், இளம்பெண்ணுடன் காரை அங்கேயே விட்டுவிட்டு ஓடிவிட்டான்.

பின்னர் அங்கு வந்த ரோந்து வாகன காவலர்கள், இளம்பெண்ணை மீட்டு மருத்துவமனையில் சேர்த்துள்ளனர். இதனை தொடந்து தலைமறைவாக இருந்த டிரைவரை இன்று காவல்துறையினர் கைது செய்துள்ளனர். அந்த வாகனத்தில் ஒட்டியிருந்த உள்துறை அமைச்சகத்தின் ஸ்டிக்கர் போலியானது எனவும் தெரியவந்துள்ளது.

டெல்லியில் நிர்பயா கொடூரமாக கற்பழிக்கப்பட்ட சம்பவம் நடந்து இன்றுடன் நான்கு ஆண்டுகள் நிறைவடைகிறது. ஆனாலும் தொடர்ந்து நடைபெறும் கற்பழிப்பு சம்பவங்களால், டெல்லி பெண்களுக்கு பாதுகாப்பான நகரமா? என்ற கேள்வி மீண்டும் எழுந்துள்ளது.

டெல்லியில் நிர்பயா கொடூரமாக கற்பழிக்கப்பட்ட சம்பவம் நடந்து இன்றுடன் நான்கு ஆண்டுகள் நிறைவடைகிறது. கடைசியா கற்பழிப்புக்கு எதிராக மக்கள் போராடியது நிர்பயாக்கு மட்டும் தான். அதன் பிறகு தினம் தினம் பல கற்பழிப்புக்கள் நடந்துக்கொண்டு தான் இருக்கின்றன. ஏன் மக்கள் போராடுவதில்லை. கற்பழிப்பு குற்றவாழிக்கு மரண தண்டனை வழங்க சட்டம் திருத்தம் செய்வதற்கு தொடர் போராட்டம் அவசியம். 

முகநூலில் எங்கள் செய்திகளை படிக்க க்ளிக் செய்யவும்


Loading...